Video
Read full review
2021-11-03
1866 views
我呢個朋友最鐘意食放題，今日佢放假，下就就帶左我黎食燒肉放題。餐廳開揚，燈光光猛，坐位全是卡座，坐得寬闊舒服。雖然係食燒肉，好似好多油煙，但其實呢度都幾乾淨企理。朋友點左一個 “霞” 嘅放題套餐，有百多樣款式可以揀，平日午市做緊買一送一，抵👍！飲品同雪糕雪條就在出面攞，其餘就用qr code點。職員先送上頭盤刺身，剌身有希靈魚、三文魚、魚、大蝦同鮑魚片等，各款都新鮮冰凍，幾好。要燒嘅頭盤另外有韓風瓷壺細牛肋肉、鮑魚、比目魚西京燒同埋雞泡魚乾，桌上旁邊位置亦貼上燒烤貼士，點樣燒點樣食都話晒你知。韓風瓷壺細牛肋肉有醃過，燒完有好多肉汁，好好味。鮑魚好易燒熟，帶鮮甜。比目魚西京燒魚肉好滑，入口帶點油份同醬汁，好食。雞泡魚乾就燒翻熱，好香口，頭先食果d就係付費項目。熟成M5和牛西冷肉眼就算燒到全熟都唔韌，咬落有肉汁重牛味，唔錯，呢個係任食架。餐前小食我哋都點咗幾款，有胡麻醬豆腐同胡麻蕃茄，豆腐好滑，只要有胡麻醬嘅嘢食就好好味。另辣味螺肉、中華沙律同麻辣青瓜都醃得好夠味道，朋友話幾好。牛有好多唔同部份，另外有牛舌。另有味道有四坎，有原味、法芥、韓風醬油同埋七辣。各款牛都細細塊，切得唔算太薄，一
餐廳開揚，燈光光猛，坐位全是卡座，坐得寬闊舒服。雖然係食燒肉，好似好多油煙，但其實呢度都幾乾淨企理。
朋友點左一個 “霞” 嘅放題套餐，有百多樣款式可以揀，平日午市做緊買一送一，抵👍！飲品同雪糕雪條就在出面攞，其餘就用qr code點。
職員先送上頭盤刺身，剌身有希靈魚、三文魚、魚、大蝦同鮑魚片等，各款都新鮮冰凍，幾好。
要燒嘅頭盤另外有韓風瓷壺細牛肋肉、鮑魚、比目魚西京燒同埋雞泡魚乾，桌上旁邊位置亦貼上燒烤貼士，點樣燒點樣食都話晒你知。韓風瓷壺細牛肋肉有醃過，燒完有好多肉汁，好好味。鮑魚好易燒熟，帶鮮甜。比目魚西京燒魚肉好滑，入口帶點油份同醬汁，好食。雞泡魚乾就燒翻熱，好香口，頭先食果d就係付費項目。
熟成M5和牛西冷肉眼就算燒到全熟都唔韌，咬落有肉汁重牛味，唔錯，呢個係任食架。
餐前小食我哋都點咗幾款，有胡麻醬豆腐同胡麻蕃茄，豆腐好滑，只要有胡麻醬嘅嘢食就好好味。另辣味螺肉、中華沙律同麻辣青瓜都醃得好夠味道，朋友話幾好。
牛有好多唔同部份，另外有牛舌。另有味道有四坎，有原味、法芥、韓風醬油同埋七辣。各款牛都細細塊，切得唔算太薄，一啖一塊剛剛好，有口感加埋唔同醃料，好好食。
豬就有豚拖羅同埋米澤三元豚肉，前者就比較肥，但燒到出晒油食落口又真係好好食。後者唔肥，醃過味道比較濃，又唔韌，好味喎。
海鮮就叫左牛油香草藍青口、半殼扇貝、沙爹燒廣島蠔同虎蝦。海鮮用錫紙盒裝住，成個放落去燒。海鮮味道都可以，最鐘意就係沙爹燒廣島蠔，肥美多汁。
甜品除左出面嘅雪糕雪條外，仲可以order，款式都幾多。我哋order左日式蒴餅、朱古力糯米糍同埋Brownie 朱古力蛋糕。甜品味道正常，唔太甜，我就比較鐘意Brownie朱古力蛋糕，因為呢個最甜。
Post
