和牛燒肉‧純

去完旅行番來，依然係holiday mood，午餐揀左和牛純，好耐冇來食喇。星期日lunch都幾full，我地被安排到角落嘅卡位，好闊落，舒適。店員好快送上餐牌，次次都係點咁上下野，今次我地揀左一份燒肉，一份鍋物套餐。呢度食lunch性價比好高，質素好高首先上枱係沙律、湯、前菜，新鮮開胃。飲料我地就揀左巨峰梳打同桃梳打，唔會太甜鍋物有壽喜燒同涮涮鍋，我地揀左和牛涮涮鍋，跟埋雞蛋，本身鍋入面都豐富，有野菜、菇菌、豆腐等，鐘意呢度嘅湯底，入味得來唔會太鹹，配料都好正，特別係豆腐，滑溜到不得了。和牛另上，紋路平均，時間要掌握得好，否則都幾易變老，我地加落蛋汁入面食，好滑嫩至於燒肉套餐有好多款式，牛、豬、雞肉都有，作為牛魔王，就梗係揀牛啦，三色和牛定食好抵食，一份有齊三款肉：上牛排肉、肩眼肉、牛排肉，跟埋少量南瓜同白飯。上牛排肉最平均，入口嫩腍到不得了，真係有溶化嘅感覺！肩眼肉脂肪不少，油脂四溢，好滿足，加少少鹽，一流。牛排肉都唔會太瘦，肉味香濃，很好下飯。