Video
Read full review
2021-08-12
6216 views
我哋難得揾到一間💛良心放題，之前一直bookmark, 琴日終於同朋友嘗試咗。 呢間餐廳主打港、日同泰式食物，餐廳用QR Code下單，幾方便。刺身選擇有齊基本嘅款式，通常散叫刺身比較多，呢間係較少有餐廳會設有刺身拼盤， 包括：珍寶赤蝦、三文魚、螺片、鮑片、北寄貝同希靈魚等等。珍寶赤蝦喺放題比較少見，色澤通透，鮮嫩滑溜，係回本必食之選。 升級放題：火炙海膽帶子- 海膽幾鮮甜，帶子略為淡味， 火炙質感欠奉。 生蠔唔算大隻，但都有鮮味。花之戀壽司選擇比較多，有海膽同蟹肉，亦有特式卷物，例如：牛油果鰻魚卷、三文魚加洲卷。泰式魚露燒蝦幾香口彈牙。泰式蝦餅同魚餅正常水準。蒜蓉燒扇貝比較迷你，燒烤味突出。豬手較多肥肉，唔會太濃味。 燒三文魚略為多骨，魚肉嫩滑。紫心香芋丸同芝士年糕熱辣辣，幾香脆。天婦羅唔會好厚粉，但比較一般，可以略過食返刺身。🤣雞牛豬串燒水準還好，唔算厚肉。整體來講炸物同串燒選擇款式可以再多啲。餐廳有韓國雪條、Cocoberry雪糕同大量甜品，例如： 布甸啫喱、木糠布甸等等。飲料有清熱迷你枝裝、韓國罐裝同汽水。 價錢：90 分鐘放題 （我7:30 前離座 $229 ）加 升級$11
餐廳用QR Code下單，幾方便。
刺身選擇有齊基本嘅款式，通常散叫刺身比較多，呢間係較少有餐廳會設有刺身拼盤， 包括：珍寶赤蝦、三文魚、螺片、鮑片、北寄貝同希靈魚等等。珍寶赤蝦喺放題比較少見，色澤通透，鮮嫩滑溜，係回本必食之選。
升級放題：火炙海膽帶子- 海膽幾鮮甜，帶子略為淡味， 火炙質感欠奉。 生蠔唔算大隻，但都有鮮味。
花之戀壽司選擇比較多，有海膽同蟹肉，亦有特式卷物，例如：牛油果鰻魚卷、三文魚加洲卷。
泰式魚露燒蝦幾香口彈牙。泰式蝦餅同魚餅正常水準。蒜蓉燒扇貝比較迷你，燒烤味突出。豬手較多肥肉，唔會太濃味。 燒三文魚略為多骨，魚肉嫩滑。紫心香芋丸同芝士年糕熱辣辣，幾香脆。天婦羅唔會好厚粉，但比較一般，可以略過食返刺身。🤣
雞牛豬串燒水準還好，唔算厚肉。整體來講炸物同串燒選擇款式可以再多啲。
餐廳有韓國雪條、Cocoberry雪糕同大量甜品，例如： 布甸啫喱、木糠布甸等等。飲料有清熱迷你枝裝、韓國罐裝同汽水。
價錢：90 分鐘放題 （我7:30 前離座 $229 ）加 升級$118 可以任飲1664 、朝日生啤同任食生蠔同海膽帶子
Post
