Video
Read full review
2019-05-08
134 views
食日本野最識食緊係叫到成枱刺身慢慢食，但有時又要就住就住咁叫，未能盡興。所以間唔中又想食放題❤放縱一下自己個胃。今日就黎左哩間「瀛豐」！餐廳除左最基本既任食放題之後，不得不推介+$118既升級任食，雖然你可能會覺得有少少貴，但話明要放縱一下，緊係要食餐勁！事不宜遲，先黎半打生蠔！每一隻生蠔都有手掌心咁大隻。蠔肉爽口，有新鮮既海水味，開蠔殼好小心，唔會有蠔殼碎！一啖倒落口，真係好幸福。當然話明任食，就點止食半打咁少。我地之後都仲有再encore!第二樣重點推介！海膽火焰帶子！我同寶寶都覺得佢應該改名做「邪惡帶子包」😈哩個配搭真係獨一無二，係其他放題都無咁豪氣！一粒帶子中間分半，再夾入2-3粒海膽。加上少少既wasabi調味，一啖一粒，入口第一口感有帶子既鮮甜，之後再有濃郁海膽既second taste，真係好邪惡呀😭又要再encore!!!!大戰完生蠔同海膽火焰帶子之後，終於進入番正常既放題！先黎刺身拼盤！有三文魚腩、油甘魚腩、馬刀貝、象拔蚌、榮螺、原隻有頭甜蝦！重點！必食！三文魚腩！除此之外，仲發現有稀有食材：白玉豚！大大塊白玉豚，夾上手覺得肉質比較結實，但食入口即溶！無誇張，係真係即
餐廳除左最基本既任食放題之後，不得不推介+$118既升級任食，雖然你可能會覺得有少少貴，但話明要放縱一下，緊係要食餐勁！
事不宜遲，先黎半打生蠔！每一隻生蠔都有手掌心咁大隻。蠔肉爽口，有新鮮既海水味，開蠔殼好小心，唔會有蠔殼碎！一啖倒落口，真係好幸福。當然話明任食，就點止食半打咁少。我地之後都仲有再encore!
第二樣重點推介！海膽火焰帶子！我同寶寶都覺得佢應該改名做「邪惡帶子包」😈
哩個配搭真係獨一無二，係其他放題都無咁豪氣！一粒帶子中間分半，再夾入2-3粒海膽。加上少少既wasabi調味，一啖一粒，入口第一口感有帶子既鮮甜，之後再有濃郁海膽既second taste，真係好邪惡呀😭又要再encore!!!!
大戰完生蠔同海膽火焰帶子之後，終於進入番正常既放題！先黎刺身拼盤！
有三文魚腩、油甘魚腩、馬刀貝、象拔蚌、榮螺、原隻有頭甜蝦！重點！必食！三文魚腩！除此之外，仲發現有稀有食材：白玉豚！大大塊白玉豚，夾上手覺得肉質比較結實，但食入口即溶！無誇張，係真係即溶！
壽司就無乜好特別既喜好，整體都係三文魚、海膽、黑松露既配搭。咁就點左一款三文魚海膽花之戀😚😚
講左咁耐，講番前菜先。有我最中意食既螺肉。
碳燒豬頸肉
蒜蓉燒扇貝
炸物方面就必食既「沙律醬！！！」炸雞軟骨。其實沙律醬先係主食，雞軟骨係配料😂
仲有炸物，芋頭波波、炸香蕉🍌等等
最後，飲品方面都有唔少選擇，仲有任飲任酙既Asahi，feature 用左由底酙酒既杯！😂唔識用，搞到要餐廳侍應幫手🙈🤣
Post
