江南

Open Now

Now Closed

週四約咗哥哥收工去中環IFC濕平，上網睇到二樓間「江南」有位，所以就訂埋位食晚飯。上海菜館樓底高高，間隔開揚通爽，光猛企理，卡位同梳化位都一樣咁闊落舒適，晚市全店滿座都唔會覺得特別噪吵或者逼狹。每位席上擺有齊備嘅自用餐具。厚本餐牌及二維碼點餐系統均附帶彩圖，清晰易明。自助落單尤其方便快捷，隨時可加單及查閱賬單。一開單已經睇到雜項收費，包括茗茶$15/位及餐前小食$10/碟。脆脆水母花（$85）：透透地光嘅海蜇頭爽就夠爽脆，可惜勁酸，估計喺醋汁入面浸得太耐所致。江南小籠包（$55/四粒）：小籠包皮層巧薄、Q彈唔易穿，豬肉餡心亦幼嫩軟滑，美中不足就係唔夠湯汁，唔知係漏哂出黎定係本身唔夠啦。招牌擔擔麵（$78）：正當小肥一個人食哂食成籠小籠包時，哥哥就要咗碗招牌擔擔麵。蘿蔔絲酥餅（$58/兩件）：呈紅蘿蔔形嘅蘿蔔絲酥餅賣相十分精美，中間個皮層其實都好酥化，入面啲蘿蔔絲都好爽潤甜美，無奈頭尾餡少嗰兩邊就比較硬實，似乎都係要做返傳統嘅外型先最恰當。乾煸四季豆（$98）：啲四季豆食落成口油，就連啲肉碎都好似啱啱喺個油桶拎水黎咁，完全唔掂呀！紅油抄手（$60/五隻）：雲吞粒粒皮薄滑溜，個菜肉餡柔嫩足