江南

Open Now

Now Closed

週四約咗哥哥收工去中環IFC濕平，上網睇到二樓間「江南」有位，所以就訂埋位食晚飯。上海菜館樓底高高，間隔開揚通爽，光猛企理，卡位同梳化位都一樣咁闊落舒適，晚市全店滿座都唔會覺得特別噪吵或者逼狹。每位席上擺有齊備嘅自用餐具。厚本餐牌及二維碼點餐系統均附帶彩圖，清晰易明。自助落單尤其方便快捷，隨時可加單及查閱賬單。一開單已經睇到雜項收費，包括茗茶$15/位及餐前小食$10/碟。脆脆水母花（$85）：透透地光嘅海蜇頭爽就夠爽脆，可惜勁酸，估計喺醋汁入面浸得太耐所致。江南小籠包（$55/四粒）：小籠包皮層巧薄、Q彈唔易穿，豬肉餡心亦幼嫩軟滑，美中不足就係唔夠湯汁，唔知係漏哂出黎定係本身唔夠啦。招牌擔擔麵（$78）：正當小肥一個人食哂食成籠小籠包時，哥哥就要咗碗招牌擔擔麵。蘿蔔絲酥餅（$58/兩件）：呈紅蘿蔔形嘅蘿蔔絲酥餅賣相十分精美，中間個皮層其實都好酥化，入面啲蘿蔔絲都好爽潤甜美，無奈頭尾餡少嗰兩邊就比較硬實，似乎都係要做返傳統嘅外型先最恰當。乾煸四季豆（$98）：啲四季豆食落成口油，就連啲肉碎都好似啱啱喺個油桶拎水黎咁，完全唔掂呀！紅油抄手（$60/五隻）：雲吞粒粒皮薄滑溜，個菜肉餡柔嫩足

果日去呢度，因為近我去大會堂聽音樂，諗住是但食啫，點知叫了小菜後，發現有紅酒喎，嘆下先食物味道一般，但價錢冇得頂，成張單都係5xx二人來講係中環食心裏有數，再加上有免鐘泊車，有下次見

是肉夹馍🥙也是小汉堡🍔蜜汁火腿烤双方 好吃！小面饼松软又紧实，配上夹心的火腿、黄瓜和薄脆，🌯口感变得很丰富有层次，火腿的咸香也更加立体蔓越莓煎餅 🌸做的很典雅，造型也很好看，不过油煎过以后，吃起来有点子油腻，蔓越莓的味道也淡淡的每道菜都做的很精致，吃的很爽！

由於因為第一次到店用餐等好耐，所以第二次為左節省時間，預先係app叫外賣自取。11:25成功落單，App顯示11:58am就可以拎。12點去到，服務員話未有要等等，但係一直pack緊其他11:45am落單既外賣催促左幾次都無人理我，最後12:15先拎到外賣。返到去發現又漏單...你無睇錯呀，係又漏單呀!!!等咁耐已經嬲嬲地，比漏菜更加嬲返轉頭比張單職員睇，佢好有記性呀，仲同我講我頭先pack左碟菜比你丫。無錯你係有pack，但係我要兩碟菜=.=貴店係咪應該要認真改善一下呢? 

今日中午好想食小籠包，就黎到IFC呢間環境舒適的江南😊我哋兩個人叫左3樣野食- 小籠包 我個人覺得皮太厚，如果再薄啲會更好味- 紅油抄手 第一啖有啲辣，很惹味，味道不錯- 海膽帶子炒飯 味道比較淡，飯炒得唔夠乾，可以改善一下最後唔知係Lunch太忙，上菜好慢。我坐低時左右兩邊既客人食緊野，但當我催炒飯時，佢哋都跟住一齊問🥹

以為連鎖店都係細細碟，貴一貴，但份量比想像中大，味道亦都不錯。當日嗌左3個麵食，蔥油餅，京蔥炒牛肩肉，蒜泥白肉，牛尾煲，炒萵筍，小籠包，除左麵食個麵餅埋一舊，感覺唔好外，其他食物都唔錯。埋單好似係$1600左右，價錢算係合理，仲要係ifc，所以算性價比唔錯。

經過朋友推薦，食物質素有保證，價格合理，而且店員態度友善，用餐的環境感覺舒適，所以我哋來到中環（江南）翡翠試試…… 我哋點了幾款菜式；燻䱽魚： 䱽魚炸得酥脆，加上甜甜的汁，非常配合。小籠包： 皮薄、好多汁，當然要食蟹粉娃娃菜： 秋風時間，蟹粉一點也不腥，津白鮮甜，加上少少鎮江醋，味道升華蟹粉龍珠蝦球 ：個名好有趣，諗起小時候喜歡的卡通片添！爽口彈牙的蝦膠圓被粉紅色脆粒包圍，咬下脆卜卜，食時不要遺忘連蟹粉一齊食！（單點蟹粉系列，可以以優惠價$78加配）正唷！蒜蓉豆苗：豆苗新鮮，份量好足。朋友是江南fans,果然無介紹錯！可能晚餐比較悠閒，深色衫員工會推介新菜式，及抵食菜式，用滙豐結賬有優惠！

IFC 翡翠江南星期日晏晝去咗中環中心翡翠江南食飯，到達時候都已經係兩點半，所以唔使等位就可以入座。餐牌大部分菜式都幾適合老人家口味，而且又係大閘蟹季節，所以叫咗個以蟹會秋兩人套餐，份量足夠吃飽我哋三個人。首先上枱係碟烤麩，微帶甜酸，冬菇木耳花生都夠腍，可惜竹筍有渣，而且竹筍份量太少，只得三小片點夠食，好彩烤麩就算食到尾段時凍咗都好食。蟹粉豆腐煲上枱時渣渣聲熱辣辣，味微辣略帶蟹粉鮮味，蟹粉配上嫩滑豆腐簡直絕配，啱晒啲老人家食唔使𡁻。蟹粉蝦仁鴛鴦毛細麵外邊食肆好少提供，蟹粉味濃郁，撈幼麵口感飽滿，蝦仁有蝦鮮味，用嘅應該係河蝦，所以比較腍身一啲。將兩款蟹粉豆腐同蝦仁毛細麵撈埋一齊食，口感更加豐富，一路食一路飲碗麵湯，河蝦河蟹豆腐撈麵天下無敵。而碗麵湯都係好嘢嚟，用料應該係金華火腿瘦肉雞煲嘅上湯，可惜少少偏鹹。燒雞賣完，所以轉為石鍋油淋子雞，雞肉軟腍唔嚡身，鋪咗啲薑片蒜頭喺個鍋底，所以雞肉略帶薑蒜香味，連蒜頭薑片一齊食好惹味，汁料顏色雖深但味道適中。蟹粉小籠包嘅皮底好厚，蟹粉及湯汁味道偏淡，算係還可以啦！唔夠鼎泰豐好食。雷沙湯丸即叫即做，熱辣辣好食，略帶芝麻香味，湯丸皮可能用咗生水嚟開粉，所

一入到店鋪，感覺餐館環境舒適乾淨😊餐牌上食物選擇種類多，員工向我們介紹餐牌廚師推介和蟹粉系列菜式。我們選擇了蟹粉二人套餐，優惠價$468，包括了前菜（四喜烤麩）、點心（蟹粉小籠包）、肉類（油淋子雞半隻）、蔬菜（蟹粉豆腐煲/蟹粉娃娃菜）、主食（蟹粉拌麵）、甜品🥰及飲品，主要蟹粉份量都多👍，哩個價錢真係非常抵食😊我地食到非常飽，抱着肚行街😅除左堂食😋，我地仲外賣左甜品帶走🧏‍♀️值得一贊員工熱情招呼，仲好有禮貌👍👍👍一定會再次幫襯🤩

心血來潮很想食上海菜，我們選擇了中環的「江南」 ！餐廳的裝橫色彩優雅，牆壁是山水油畫，牆身加上雀鳥的點綴，令整個環境煥然一新。花雕醉雞😌酒香四溢，大約嫩滑，是一道非常適合開胃的小菜小籠包包皮好薄，小籠包的肉汁好香，好滋味（溫馨提示：💓💓出售小籠包會員證$180，即買即用，可以食到30/11）海鮮餃海鮮餃饀鮮味十足，外皮淺紫色之外，還金色綑邊 （可惜數量少）翡翠素菜餃👍素菜鮮甜，素食者佳選雪菜毛豆百葉👍百葉一條條，加上毛豆肉及雪菜粒，惹味🤪，上海菜素食者首選蔥油拌麵及擔擔麵有三款面種可選擇，我們選擇了標準，麵條粗幼一致，下次可選擇三角麵，偏粗🥰🥰員工熱情招呼，還主動幫我們拍照

大家美食就食得多，今日幫襯一間位於中環的美食，江南.翡翠，店員介紹最近推出既廚師推介，食左拇指生煎包，外焦內嫩，加上芝麻的香，正，但入口一定要小心，爆汁，我仲整到件衫都有湯汁，小心品嚐，真系好爆汁。蘿蔔絲酥餅同椒鹽小黃魚令意想不到的是外酥裡嫩，也很香。蟹粉百花龍珠，咬落去，脆脆的，彈牙。連吸水性較低的椰菜花配合XO醬炒，香辣入味，刺激我的味蕾。立冬了，當然要養生一下，叫了一杯桂圓雪梨茶。最後嚟個甜品做總結。吃了甜甜的八寶飯就有一個圓滿的飯聚。

近期到了一家餐廳，心懷期待地想要品嚐他們的招牌菜。然而，整個用餐體驗卻讓我感到非常失望。首先，上菜的速度非常緩慢，我們等了將近半小時才見到第一道菜的上桌。當菜終於來到我們面前時，卻讓我大吃一驚。菜品的分量遠遠低於我在餐牌上所看到的圖片，讓我感覺像是點了一道細碟的小吃，而不是一頓正餐。這樣的分量對於一個成年人來說簡直是杯水車薪，讓人忍不住懷疑這家餐廳的誠意。更糟的是，菜品的味道實在是難以形容。無論是主菜還是配菜，口感都偏向於平淡無味，完全沒有餐牌上所描述的那種豐富層次感。尤其是我期待已久的招牌菜，吃上一口後讓我失去了所有的食慾，簡直是貨不對辦。比起餐牌上的色香味俱全，實際上卻是乏善可陳，甚至有些食材似乎還過了保鮮期的嫌疑。當我向服務生反映時，他們的反應卻讓我更加失望，似乎對於顧客的意見並不在意。整體而言，這次用餐體驗不僅僅是味道上的失望，更是對餐廳專業度和誠意的質疑。總結來說，這家餐廳的食物質量與價格完全不成正比，實在難以推薦。對於追求美食的朋友們，我建議還是尋找其他地方，免得像我一樣失望而歸。希望未來他們能夠改善，讓顧客真正品嚐到美味的料理。

同朋友去完西九食晚餐，行咗去地鐵站上面，呢個位平時好多附近返工嘅人食午餐, 有餐前小食，不過原來要俾$10，茶位費40$ x2 🫢，兩個人埋單$452我哋叫咗三個餸，兩個白飯滬式燻鱸魚 $85好好食，仲要咁多嚿(8件)👍宮保雞丁 $118一道川味菜餚，但係佢冇落辣椒🌶️ 佢個外皮都可以食，係軟雪糕嗰啲皮，好入味啲腰果脆口，雞丁新鮮嫩滑大嚿，份量一比一，整到金黃色我冇P相，送飯正👍麻婆帶子豆腐 $118又係一道招牌川菜，喺內地食真係好平50幾蚊有一碟，其實味道就差唔多，但係香港煮法普遍都係偏甜小鹹，送飯正，份量都多落足料兩個成人 ，食三個菜有白飯餸，有啖茶飲已經好飽👍價錢適中，味道我會比100分，起碼對得住價錢👍

原來我們好久沒有來這邊行街，見到店舖裝修光猛，牆壁畫了山水油畫及雀鳥作點綴，充滿朝氣。有我至愛的安格斯牛，口感一流，不會煙韌，重牛味仲有甜品兩朵花（蔓越莓），充滿果香！以上兩種食品值得嘗試！

見到江南有新MENU以 #人蔘，# 黑蒜，#淮山 等 營養豐富嘅食材入饌 嘅 滋補菜式美味同時養生， 即刻胃口大開🤗鍾意IFC 呢間 江南 iang Nan by Crystal Jade 寬敞明亮嘅環境每張枱之間都有足夠嘅距離，可以享受到私密同舒適嘅用餐體驗👍🏻侍應熱情友善，提供周到服務過嚟慶祝 #母親節 都非常適合啊～👸🏼#麻醬雞絲粉皮以細緻爽滑的粉皮為基底，淋上濃郁麻醬同鮮嫩雞絲，是美味開胃冷盤#桂花黑醋小排骨小排骨肉質鮮嫩入口即化。黑醋汁帶有微酸甜嘅味道，同排骨嘅香氣完美融合，而桂花嘅芬芳香氣，令味道更加豐富。#黑蒜肉骨茶拉麵拉麵麵條彈牙有嚼勁，配上濃郁嘅肉骨茶，令人食指大動。黑蒜被認為具有抗氧化、增強免疫力同調節膽固醇等益處， 食落甜甜地口感軟糯， 係一個美味同健康兼備嘅選擇。#人蔘雞湯小籠包小籠包外皮薄脆，包裹住豐富豬肉餡料。啖啖入口，你會感受到小籠包輕柔嘅口感同豐富嘅湯汁。湯汁滋味，帶有人蔘嘅獨特香氣同甘味。人蔘被認為具有滋補身體、增強免疫力嘅功效，啱晒我#蘿蔔絲酥餅外形可愛好似一個小小紅蘿蔔咁。酥脆外層口感與蘿蔔絲嘅清甜味道完美結合#黑松露鮮淮山炒羊肚菌蝦滑鮮淮山同羊肚