吃扒 (Closed)

…係為咗以證視聽！我又唔會斷然話打假，但食過就知道呢度啲讚讚，嚟得好可疑！住附近，由上手車仔麵執笠到裝修到而家開，門面係靚嘅，所以成日話要嚟試，嚟之前冇睇comment，嚟到食落唔對路先再睇，所以冇期望只有失望。扒，只有5成7成9成揀，奇怪？後面你會知點解。一個西冷一个羊架，跟餐，可以揀中湯同紅湯。各一。中湯，好咸。紅湯，冇嘢講。餐包係翻叮熱到辣手但好韌嗰隻。扒，冇肉味，應該質素一般（所以我估佢唔敢俾你揀3成… 加埋上鐵板，我揀5成，入口7成以上），然後就沒有然後了。唔難食，只係唔好食。記住人均兩舊水+，一啲都唔值。入面環境？嗯，90分鐘限時，你要環境嚟傾偈？哦… 服務？有人落單有人上菜有人埋單，但水都冇杯嗰種。FF... 到最後，甜品brownies，其實括走面嘅七色糖，都係一個擺得落口嘅朱古力蛋糕嚟嘅。