Video
Read full review
2023-02-28
88 views
估唔到科學園新開嘅餐廳越來越多，連十和田都係度開分店，正正開係club one 對面，我相信好多人去過嗰邊飲婚宴，地點易認方便。十和田舖頭嘅門面非常大，而且感覺好整潔，餐廳入邊嘅位置數量適宜，佢有好大嘅玻璃窗，望出去就係池景，日頭嘅景觀十分不錯。當日叫咗唔同嘅嘢食試吓新店嘅手勢，首先頭盤係麻醬蕃茄沙律，蕃茄好新鮮，而且係想用比較大嘅蕃茄，連麻醬一齊食感覺好開胃。跟住係蟹柳手卷同三文魚手卷，壽司飯係用咗醬油，材料新鮮，紫菜好脆，店員亦都好貼心地提醒我哋要食咗先，怕紫菜會變軟。小食方面，叫咗炸雞件同茶碗蒸，炸雞件表層炸粉一啲都唔厚，而且食落好新鮮，果然即叫即炸，調味適中，香脆可口，而茶碗蒸就係叫俾小朋友食，佢用魚高湯去蒸蛋，入口好滑。主食方面，叫咗火炙壽司拼盤，三色丼。火炙壽司拼盤都好出色，火炙部份入口即溶，而且每一件壽司飯都唔會太大件，正好可以令到眼闊肚窄嘅我試多啲嘢食。另外，好出名嘅三色丼，我嘅最愛係海膽款，佢嘅海膽新鮮，配上醬油飯一啖放落口，好有滿足感！另外既蟹肉丼，每一啖都好多蟹肉，連埋蟹膏食好似食緊一隻新鮮嘅松葉蟹咁，而吞拿魚蓉都唔錯，食完呢個三色丼已經覺得好滿足！最後味噌牛肉飯
十和田舖頭嘅門面非常大，而且感覺好整潔，餐廳入邊嘅位置數量適宜，佢有好大嘅玻璃窗，望出去就係池景，日頭嘅景觀十分不錯。
當日叫咗唔同嘅嘢食試吓新店嘅手勢，首先頭盤係麻醬蕃茄沙律，蕃茄好新鮮，而且係想用比較大嘅蕃茄，連麻醬一齊食感覺好開胃。跟住係蟹柳手卷同三文魚手卷，壽司飯係用咗醬油，材料新鮮，紫菜好脆，店員亦都好貼心地提醒我哋要食咗先，怕紫菜會變軟。
小食方面，叫咗炸雞件同茶碗蒸，炸雞件表層炸粉一啲都唔厚，而且食落好新鮮，果然即叫即炸，調味適中，香脆可口，而茶碗蒸就係叫俾小朋友食，佢用魚高湯去蒸蛋，入口好滑。
主食方面，叫咗火炙壽司拼盤，三色丼。火炙壽司拼盤都好出色，火炙部份入口即溶，而且每一件壽司飯都唔會太大件，正好可以令到眼闊肚窄嘅我試多啲嘢食。另外，好出名嘅三色丼，我嘅最愛係海膽款，佢嘅海膽新鮮，配上醬油飯一啖放落口，好有滿足感！另外既蟹肉丼，每一啖都好多蟹肉，連埋蟹膏食好似食緊一隻新鮮嘅松葉蟹咁，而吞拿魚蓉都唔錯，食完呢個三色丼已經覺得好滿足！
最後味噌牛肉飯同鰻魚飯，兩款都好juicy，牛肉飯配上蔬菜一齊炒，特別惹味，但係一啲都唔會過鹹，而鰻魚飯既醬汁都令到食飯嘅胃口大開，唯一美中不足嘅係佢有細小嘅魚骨，小朋友未必可以咬到，不過整體嚟講都係好好味。
如果你哋都會去科學園玩，可以試吓呢間餐廳，的確不錯👏🏼👏🏼👏🏼
Post
