Video
Read full review
2020-02-07
37 views
之前有朋友話荃灣高質火鍋放題, 早幾日捉埋媽媽去試試! 一入到攞位已見多個位置擺放消毒搓手液, 乾淨衛生! 入座前先點湯底, 可雙拼鴛鴦鍋! 杏汁豬肺 + 潮汕湯! 潮汕湯好特別, 有大地魚, 蝦米, 豆卜, 咸菜, 唐芹, 大蒜, 胡椒…超足料, 味道好豐富! 杏汁豬肺湯底好甜, 好清甜, 媽媽話豬肺都好食, 好滑! 座位好寬闊, 環境好舒服! 每枱都會有支米色好似飲品成樽放枱面, 原來係湯底…唔夠湯自己加, 超方便! 餐廳用二維碼點餐, 唔駛入紙夠環保, 又唔會漏單!有部份涼菜, 沙律及熟食可自取, 有火鍋用蔬菜亦可自取, 飲品選擇超級多, 除罐裝飲料之外還有自家制飲品 ~ 冰糖檸檬, 洛神花茶及碟豆花茶! 清甜滋潤, 唔會死甜, very good! 食品選擇多! 丸, 海鮮, 魚, 餃, 素食, 肉類…等等!海鮮好新鮮, 蝦彈牙, 蜆鮮甜, 聖子仔好肥美, 魚…我無食! 肉質素以放題來說算好高, 唔靭無筋有肉味, 最愛西班牙豬! 手打丸好出色, 夠彈牙唔淋身, 即係唔多粉, 超正! 8寸長腳蟹捧好好食, 好甜唔假...唔喜愛食加工食品的媽媽都叫我唔好掛住影, 快啲食! 最特別係
入座前先點湯底, 可雙拼鴛鴦鍋! 杏汁豬肺 + 潮汕湯! 潮汕湯好特別, 有大地魚, 蝦米, 豆卜, 咸菜, 唐芹, 大蒜, 胡椒…超足料, 味道好豐富! 杏汁豬肺湯底好甜, 好清甜, 媽媽話豬肺都好食, 好滑!
座位好寬闊, 環境好舒服! 每枱都會有支米色好似飲品成樽放枱面, 原來係湯底…唔夠湯自己加, 超方便! 餐廳用二維碼點餐, 唔駛入紙夠環保, 又唔會漏單!
有部份涼菜, 沙律及熟食可自取, 有火鍋用蔬菜亦可自取, 飲品選擇超級多, 除罐裝飲料之外還有自家制飲品 ~ 冰糖檸檬, 洛神花茶及碟豆花茶! 清甜滋潤, 唔會死甜, very good!
食品選擇多! 丸, 海鮮, 魚, 餃, 素食, 肉類…等等!
海鮮好新鮮, 蝦彈牙, 蜆鮮甜, 聖子仔好肥美, 魚…我無食!
肉質素以放題來說算好高, 唔靭無筋有肉味, 最愛西班牙豬!
手打丸好出色, 夠彈牙唔淋身, 即係唔多粉, 超正!
8寸長腳蟹捧好好食, 好甜唔假...唔喜愛食加工食品的媽媽都叫我唔好掛住影, 快啲食!
最特別係個胡椒麵, 自家制, 有淡淡胡椒味, 麵身爽口彈牙, 亦是必食之列!
花膠好讚, 好大件好厚, 一份有3大件, 食一件都有少少飽!
豬粉腸唔苦, 好厚好滑!
好耐無食放題, 其實我本身好少食放題, 因為食得唔多, 而放題普遍質素唔高…所以喺貴精不貴多的原則下, 少食! 不過這間放題食得過! 
有得自制乳酪, 不過太飽, 下次吧!
Post
