Oldish (Closed)

你又係星期五去搵食嘅時候， 隨手喺openrice度搵到呢間上環嘅餐廳， 見啲人評分唔錯，食評都寫得幾好， 所以就決定去試下。 店舖位置都好隔涉， 上環站出咗仲要不斷行斜路先搵到， 幸運嘅係冇book嘅情況下都可以即時入座。餐廳裝修好特別，好有英國風味。 menu嘅選擇種類還可以， 價錢唔算平㗎。 我同男友人揀咗一個main dish，一個appetizer。先嚟嘅係stir fried squid with XO sauce。 本身諗住係普通嘅炒魷魚，但一嚟到我地都覺得好有驚喜。碟內係好多八爪魚仔， 個底仲有啲金邊粉， 由於佢係用xo醬炒， 所以個味道都好夾， 而且辣辣哋仲好開胃添！ 而下邊隻碟就有好多沙律， 加咗啲黑醋酸酸地好好味！跟住就係Four cheese burger喇，除左burger外仲有粗薯條同埋沙律，份量一點都不能睇少！由另一個角度影， 佢放左一層炸芝士，賣相吸引，而且睇相都見到，上面d芝士係流晒出黎㗎！愛芝士之人一定會十分喜愛！下邊張相係切開咗嘅burger。 佢層牛肉好厚， 絕對冇偷工減料， 一層炸芝士，仲有多到流出黎嘅芝士層！超吸引呀！起初睇個menu都覺得價