奈良上釜 (Closed)

這家小店位於登龍街，門外以鳥居作招牌，十分顯眼。內設有30個座位，裝修簡單，坐得有點迫，但午餐時間坐無虛席。午餐比晚餐價錢較平，有蕎麥麵同釜飯餐，由$68-$198不等。餐點有面豉湯、醃菜同主食。三種盛$178（海蝦、鰻魚、蠔、冬茹、本茹同三葉）海蝦大大隻，有三分一手掌大，蝦肉爽有少少蝦味；鰻魚有兩小片，比較薄身，無乜小骨，有淡淡的鰻魚味；蠔有兩隻肥嘟嘟，味道鮮美；雖聞釜飯以蟹湯蒸煮，但說真話，聞好香但實在無乜味道。本想食飯焦但飯焦太硬太黏鍋，完全刮唔到。奈良七種盛$198（海蝦、鮑魚、三文魚籽、蟹肉、冬茹、本茹、三葉）這鮑魚是爽口的，少少味；蟹肉也是隠隱約約的蟹肉味；海蝦有點酶，像死左好耐；店員忘了給我們三文魚籽，食完走左才發現。整個飯無乜味，試一次便算了。加$38天婦羅蝦炸蝦有兩隻，炸得鬆脆，炸漿很薄唔多油膩，幾好食。整體而言，成二百元食個無乜味而海鮮唔多鮮的蒸飯，實在唔多抵。由落單到上菜等左成三十五分鐘，坦白講食個丼飯比它更好味更滿足。試一次便算了。