FAB Kitchen (Closed)

位於荔枝角工廈，發掘到一間高質法式私房菜🥰，由湯、開胃前菜、主菜到甜品，每道菜都係匠心之作，高CP值撐枱腳Best Pick🤭！法國珍珠蠔 周打魚湯：香滑忌廉伴有濃郁蠔味，原隻珍珠蠔啖啖肉～鵝肝批伴青蘋果香桃醬：鵝肝質感Creamy幼滑，配青蘋果香桃醬，呢個新穎嘅配搭非常清新香甜～帕瑪火腿片伴無花果：Parma ham普遍配蜜瓜，今次配搭嘅係蜜餞無花果，好有驚喜❣️Ham嘅鹹香同甜蜜嘅無花果好夾👍鹹豬手法式凍批：睇落係上海水晶餚肉嘅變奏版，而水晶內嘅係豬手肉，晶瑩剔透好精緻，啖啖豬手鹹香中亦滲透住一份清新感。香煎銀鱈魚配三文魚子與菠蘿清酒泡沫：銀鱈魚極厚肉，皮脆肉嫩啖啖肉🥰，底下嘅薯仔融合咗菠蘿清酒泡沫，一啖盡試菠蘿香、三文魚子鹹香同魚肉嘅鮮甜，體驗多層次同口感之餘，仲感受得到大廚嘅心思同創意～法式脆皮烤鴨胸伴藍莓香醋醬：必試推介✨大廚以慢煮方式炮製鴨胸，肉質軟嫩Juicy，鴨肉依然原汁原味；點一點藍莓香醋醬，估唔到鴨胸同藍莓🫐可以咁夾。