偉爵爺私房菜

Open Now

Now Closed

經過北角春柍街市，見到餐廳外面掛住一排排耀眼的燈飾，還以為是西式餐廳，估唔到係中式私房菜，而店名仲好有氣勢🤩先嚟一碟極具湖南地區風味嘅家常小菜～卜豆角炒肉，用豆角乾醃製，再加入五花肉炒，豆角乾食落有口感有嚼勁，豬肉夠鮮味，伴飯更啱😋另一碟就係～毛氏紅燒肉，師傅係碟下放咗蠟燭，一邊食一邊保暖，好有心思。 紅燒肉外層色澤鮮亮，明顯見到層層肉脂，入口軟腍，肥而不膩，好味到停唔到口🤤🤤最後是包點又甜點～五福臨門由5款唔同外型及餡料的包點，有冬菇🍄、薯仔🥔、西瓜🍉等可愛造型😍，麵包鬆軟，餡料豐富，有紫薯、冬菇肉粒、紅豆綠茶等😋