潮樂園 (和富道)

Open Now

Now Closed

表姐喺英國返港，我帶佢去食潮州菜，老友推介位於北角1和富道96號僑裕大廈地下4號的【潮樂園】，因為有潮州老師傅主理，主打潮州手工菜，而且餐廳已在北角開業超過11年，由2018年起至2025年，連續8年獲得米芝蓮必比登推介。🥢潮州家常菜之潮汕魚飯 $238：魚飯原來可以揀烏頭或者馬友，我哋揀咗馬友，魚肉嫩滑鮮甜好味，有油脂係上品貨，配普寧豆醬，凸顯鮮甜美味。🥢手工蝦蟹棗 $158：潮州名菜之一，蝦蟹棗都炸得香脆可口，蝦棗鮮甜彈牙，蟹棗皮脆肉嫩，蘸潮色甜酸醬，十分美味。🥢潮式春菜煲 $118：春菜青綠鮮甜，配香口的五花腩片、蒜粒、蝦米...等配料，口感豐富和好味。