滾得囍宮廷火鍋小炒 (Renamed) View

滾得囍宮廷火鍋小炒係北角大熱火鍋店，有宮廷華麗嘅裝修，入到去好似真係有種回到古代宮廷嘅感覺。餐前小食：四小碟開胃前菜。椰子藏雞湯鍋：椰子同雞用嚟煲湯係絕配，夠哂清甜，又帶椰子清香嘅味道，又有雞湯嘅香濃，用嚟打邊爐做湯底就啱哂魚皮響鈴雙拼：呢度嘅魚皮同響鈴都採用即點即炸，保證夠哂新鮮熱辣辣，甘香酥脆，直接拎嚟食又得，拎去打邊爐就更加好味，索哂椰子雞湯嘅鮮甜味。手切頂級安格斯牛肉：牛肉係用左頂級嘅安格斯，用人手手切，厚薄均勻，刀工功力深厚，牛肉顏色呈現鮮紅，足證佢極為新鮮，而油脂分布均勻，呈雪花狀，未食都流哂口水。