舖頭個感覺都似去咗日本🇯🇵，裝修以木設計為主，感覺都唔算好壓迫！由於係中午時間去食，所以有Lunch menu，而且都幾大眾化，幾廿蚊都幾百蚊都有！試新舖就梗係點幾個特色丼試啦，仲要佢地嘅食材都係由日本空運到港，保證新鮮👍🏻！
❤海寶丼「並」$90
呢個係海鮮丼中比較實惠嘅一款，入面有吞拿魚、油甘魚、章魚、
小扇貝、蛙魚子等等嘅角切魚生，大眾化之選！
2
🧡海寶丼「上」$125
呢個係「並」嘅進階版😅😅多咗雪蟹肉，口感當然再更加豐富啦！
💛特上吞拿魚蓉丼 $160
由吞拿魚蓉、海膽同鮭魚子嘅配搭，極上之鮮味，所以呢個都係店舖推介嘅丼！
💚吞拿魚蓉蟹丼 $150
呢個係吞拿魚蓉、鮭魚子，再配搭雪蟹肉同鮮味十足嘅蟹膏，爭啲連個碗都想食埋🤣🤣🤣
💙鰻魚丼 $125
燒鰻魚丼應該間間都有，但佢嘅鰻魚汁+味道真係有少少🤏香，唔知係咪用炭火燒架呢，而且鰻魚唔會太乾，啖啖肉！
而每一個丼都會配搭有麵豉湯同小配菜（有店舖出名嘅凍辣蕃茄），而且仲會包一杯烏龍茶/綠茶，如果食嘅份量大少少嘅朋友，仲可以揀「大盛」，而且係免費架😍😍😍
食完真係覺得好滿足，個人覺得北角地段好多舖頭都係細細間，要食嘅就早啲去搵位啦，我地係等佢開門就衝入去🤣🤣🤣好快就已經坐滿哂啲位Lu🤣🤣🤣
1
