南洋麵屋 (Closed)

北角有好多餐廳，好多都細細間，呢間就比較大嘅，但人客唔算太多，但其實幾好食㗎喎！➡️ 小食拼盤 ($108)拼盤包括蝦餅，春卷，炸雲吞同埋雞中翼。賣相幾吸引，食落又幾好食，炸得好香脆，應該係即叫即炸，唔錯唔錯！➡️ 海南雞叻沙米線 ($68)叻沙湯底好濃郁，有少少椰子味，好鮮甜。海南雞嘅份量都算幾多，有油香味，而且海南雞d汁好鬼正，推介！➡️ 軟殼蟹冬蔭米線 ($68)軟殼蟹炸得唔係好脆，感覺唔太新鮮，而且細細隻。冬蔭湯底唔算太辣，酸酸地，唔食得辣嘅朋友都可以試下。南洋麵屋 地址📍: 北角渣華道88號地下.............................. 味道😋: ⭐️⭐️⭐️💫環境👀: ⭐️⭐️⭐️💫服務👨🏻‍🍳: ⭐️⭐️⭐️抵食💰: ⭐️⭐️⭐️⭐️