滾得囍宮廷火鍋小炒 (Renamed) View

滾得囍宮廷火鍋小炒位於北角馬寶道33號寶馬花園1樓116-125號舖，由港鐵站步行2-3分鐘地達，方便就腳。餐廳設計有心思，以中國宮廷風為主題，門口設有有氣勢的龍椅可以打卡，亦可以穿著中國服飾，連佈置，餐具、茶壺等等設計得好有特色，氣氛滿滿。光緒瑤柱冬瓜濃湯鍋大熱天時，食冬瓜濃湯鍋最適合不過，一上枱非常吸睛，好足料，有好大個冬瓜，冬瓜入邊材料豐富，有蝦、蟹柳、瑤柱，湯底清甜又可以消暑。貴妃出浴-手切本地肥牛擺盤有心思，幾特別的一種食法，首先將手切本地肥牛浸泡係北海道3.6牛乳浸大約2分鐘左右，口感會比較嫩滑。手打黃金流心鮮蝦丸（4粒）鮮蝦丸入面加了芝士，鮮蝦丸爽口彈牙，芝味十足黃金雙拼即叫即炸，一定要襯熱食，魚皮和響鈴用上秘製鹹蛋黃醬，炸得非常鬆脆，超邪惡。滾得囍五色拼盤拼盤有冬瓜、蓮藕、蕃茄、紫淮山、薯仔足料竹蔗茅根竹蔗茅根清熱潤躁，生津解渴，打邊爐飲適合不過，甜度適中，好清甜。