滾得囍宮廷火鍋小炒 (Renamed) View

北角有5少火鍋店，其中有一間大玩宮廷風，佢D餐牌設計係好似D皇帝聖旨咁，卷住左，攤開就睇埋御湯底既簡單介紹，細心位都做埋，又幾warm既。（滾得囍宮廷火鍋小炒）係北角馬寶道馬寶學林，地鐵站A1出口一出一分鐘就到，好方便。順緻特色卜卜蜆鍋$188，以呢個價錢來説可謂非常抵食，有好多隻卜卡蜆，起碼超過100隻，湯底係清清地，係蜆肉海鮮湯，帶鮮味，甜甜地，讓人食指大動。蜆肉大大粒，肥美厚肉。 半熟牛肋片$68，口感似筋腩部位，食落有質感帶濃濃肉香。豬頸肉$58，切得大大塊，油脂豐厚，食得好滿足。 順德魚腐$48，口感美味！軟綿綿感，雖然油炸但5會太油身，都幾健康。半份黑松露蝦丸$68，黑松露值得一提，呢度5係用黑松露油，丸面頭有好多黑松露粒，夠香，又有貴氣，好招積！ 雜菜拼盤$68，份量十足，嫩綠，清清腸胃。 瑤柱乾貝滑$98，食材名貴，稀有，手工繁複，賣相精緻小巧，大玩煙霧效果，非常夢幻，十分高級。