大都烤鴨 (Closed)

唔知戚起邊條筋，朋友話想食北京填鴨，見到呢間食評都唔錯，所以就去試下。我哋一行4人安排左坐卡座，枱同埋座位之間唔會太狹窄，所以坐得好舒適。一心黎食北京填鴨，果然冇令我失望，鴨味濃郁，多汁，唔會覺得太老太鞋，佢個皮都唔算厚，可以接受，加埋嗰個汁食好正。唯一美中不足嘅就係佢比嘅京蔥唔係好夠，如果多啲就會更好。至於其他嘢食都達到正常水平，再加上佢環境舒服，服務幾好，只係佢限時個半鐘，如果想坐耐啲傾吓計，呢間就未必適合啦。