樂天大喜屋 (Closed)

向來都好鍾意食日本菜，尤其喜歡日式放題，可以每款菜式都食少少～日式放題來講大喜屋係我嘅不二之選。尤其下晝就特別抵食，大人$188/位任食3小時，最近仲做緊優惠，2人同行仲減$100～性價比好高！菜式選擇好多，有刺身、壽司、卷物、一品料理、串燒、炸物、天婦羅、燒物同埋煮物等等。日式食品一應俱全～刺身方面個人推薦三文魚、帶子同埋甜蝦，好鮮甜肥美～西京燒比目魚、蒲燒鰻魚、燒溫室甜菠蘿、紫心香芋丸、羊鞍，呢一堆全部都係我每次嘅必食之選！今次仲食咗鮮蟹粥，好足料啊，粥入邊有一大隻蟹，夠晒鮮甜～另外仲有自助區，可以自取前菜、熱食同埋甜品，飲品選擇都唔少，就連清酒都可以任飲！服務質素都幾好，上菜速度快唔會漏單，食完嘅食物好快就會收碟～整體來講性價比都好高。