Video
Read full review
2021-12-17
15855 views
出名勝在貴精不貴多既JW cafe，早兩個月訂座都要排waiting list，好在一星期後店員回覆話有位先有機會試呢間全城最豪中菜Buffet🤤冷盤海鮮有龍蝦、花蟹、蟹鉗、麵包蟹、螺、海蝦，每款都好新鮮，店員refill得好快，長期都會有staff企係呢個區域做refill，龍蝦都幾推介😋肉質好爽彈，有部分仲有膏，麵包蟹多膏都幾鮮甜，冇乜冷藏味刺身有即場手握壽司同手卷，保證新鮮，紫菜亦唔驚變腍，刺身款式都多，三文魚不錯中菜呢到最大賣點就係任食花膠、鮑魚、深海龍躉、海參、海中蝦，絕對係回本之選😍頭輪好快就比人清哂，但餐廳出餐好快，接住就有新一盤食物，呢點好讚👍🏻花膠都炆得幾腍，反而鮑魚如果再燴多陣會比較好，不過盤盤質素都有機會唔同片皮鴨一排再排既片皮鴨☺️師傅即叫即包，所以等待時間都較長，鴨皮鬆脆，肉質微溫，唔會好膻，叉燒就一般般，有點乾身，海南雞好咸肉類區有火雞、燒牛肉同埋羊架，燒牛肉太生，我估應該得1-2成熟，羊架店員切左頭位比我😕所以好熟，熟到柴口，朋友攞個件就幾軟腍，調味亦不錯，有多款醬汁同埋配菜可以揀甜品區相對其他酒店自助餐來說，呢到甜品款式係好少，只有7款蛋糕同埋杯裝甜品，有
冷盤海鮮
有龍蝦、花蟹、蟹鉗、麵包蟹、螺、海蝦，每款都好新鮮，店員refill得好快，長期都會有staff企係呢個區域做refill，龍蝦都幾推介😋肉質好爽彈，有部分仲有膏，麵包蟹多膏都幾鮮甜，冇乜冷藏味
刺身
有即場手握壽司同手卷，保證新鮮，紫菜亦唔驚變腍，刺身款式都多，三文魚不錯
中菜
呢到最大賣點就係任食花膠、鮑魚、深海龍躉、海參、海中蝦，絕對係回本之選😍頭輪好快就比人清哂，但餐廳出餐好快，接住就有新一盤食物，呢點好讚👍🏻花膠都炆得幾腍，反而鮑魚如果再燴多陣會比較好，不過盤盤質素都有機會唔同
片皮鴨
一排再排既片皮鴨☺️師傅即叫即包，所以等待時間都較長，鴨皮鬆脆，肉質微溫，唔會好膻，叉燒就一般般，有點乾身，海南雞好咸
肉類區
有火雞、燒牛肉同埋羊架，燒牛肉太生，我估應該得1-2成熟，羊架店員切左頭位比我😕所以好熟，熟到柴口，朋友攞個件就幾軟腍，調味亦不錯，有多款醬汁同埋配菜可以揀
甜品區
相對其他酒店自助餐來說，呢到甜品款式係好少，只有7款蛋糕同埋杯裝甜品，有點似放題店見到既甜品😂朱古力慕絲蛋糕同日式芝士蛋糕好食，唔會有死甜同埋覺得好膩，但杯裝我就覺得味道一般，可以留肚食其他，麵包布甸幾正色，做得好滑溜，apple crumble都好香，蘋果好足料，同埋仲食到熱既口感👍🏻
Post
