名館 (Closed)

今日放假約咗兩位姊妹去中環下場，飲杯野之前梗係要醫下肚先啦搵過下資料發覺呢間中菜館，菜式嘅款式特別又吸引決定黎試一試內裏餐廳嘅裝潢亦都非常識得講講，整個色調同空間都比人一個舒服乾淨既感覺！非常有格調，而且有獨特嘅設計餐具亦都好特別，好友中式嘅感覺，呢度既蕎麥茶亦都好香濃前菜-特選三精品叉燒厚切、蒜香海蜇頭、黑醋青瓜叉燒超嫩又多汁好好味銀湖天鵝酥-內裡紫薯餡 好香甜，連頭仔頸位到食得抱子甘藍炒帶子-帶子好嫩，而且炒得好惹味👍🏻飯焦鳯尾蝦-一碗差唔多有成七粒蝦，而且粒粒都超大超爽口配上一粒粒飯焦嘅口感最值得推介-黑蒜燉響螺湯，材料超足料！燉得超入味！真係好好飲而且又抵飲 必試👍🏻一小壺裏面裝滿料甜品-特色十三么椰汁糕淨係賣相到攞滿分總括嚟講，除咗呢度裝潢獨特，食物特別之餘創新又好味，同一家人嚟食真係最適合不過