今次叫咗兩set入門廚師發辦套餐 (五道菜) 兩口子一齊share🫶🏻
🍀前菜🍀
煙三文魚沙律🥗🧡
口感嫩滑鮮美既煙三文魚帶點鹹香，加上新鮮爽口既蔬菜，配上酸酸甜甜既意大利黑醋同埋柚子醋醬汁。作為前菜黎講，都幾醒胃😙 仲有粒龍珠果作伴碟，清甜多汁，幾好食😋
鐵板海鮮兩品 (扇貝，南非孔雀鮑魚，北海道帶子，東星斑)
扇貝食落都幾鮮甜，而且好juicy!😍 平時自己屋企整扇貝會加蒜蓉粉絲，呢個組合一定冇得輸🤣 估唔到呢度既扇貝配搭黑松露牛油，呢個配搭簡直係天作之合🥰 嗰種香氣，食過你就會明🫶🏻
新鮮鮑魚原隻上，配上蒜蓉汁，口感爽口彈牙，鮮味十足😋👍🏻值得一提既係大廚好有心思，整咗分子料理-蝶豆花海鹽泡泡🫧🩵做伴碟，打卡一流吖！
平時出面餐廳既帶子一般用牛油煎香，再加配菜做伴碟，而呢度既帶子新鮮大粒之餘，配搭埋小黃瓜同埋魚子醬一齊食，成個組合即刻昇華咗，口感非常豐富，層次感up!🤩
澳洲牛柳粒🐮💕
牛柳粒肉質軟腍好juicy，伴碟當中調味料有炸蒜片，Wasabi，竹炭。另外有粒好kawaii既磨菇造型既蘿蔔解膩🤣 想食再濃味啲朋友仔，可以蘸wasabi加竹炭鹽。😜
日本秋田雞扒🐥
雞扒表面煎得金黃香脆😍 肉質都幾嫩滑，配上蒜香牛油同埋秘製辣汁，食落更惹味！
黑松露海鮮炒飯🦐
炒飯粒粒分明，而且好有鑊氣！配上口感爽彈既鮮蝦同埋醬油漬三文魚籽，加上陣陣黑松露香氣，食落有種滿滿既幸福感🥰
另外叫咗款小食 - 鵝肝多士 (推薦🌟)
呢度既鵝肝多士好特別，鵝肝同埋多士之間搽滿菠蘿醬同埋檸檬忌廉，鹹味同甜味互相交錯😜 幾中意呢個整法，創新得黎，味道仲好夾！👍🏻 值得一試！
食海鮮同肉肉，又點少得送酒啊？🤣
店員推介呢款入門版月桂冠The Shot-果香純米sake，酒質芳醇，具豐富鳳梨及蜜桃風味，清新怡人，甜甜地易入口 唔錯！🥰
甜品方面，是日甜品 - 💜紫薯雪糕同埋柚子雪葩💛
紫薯味香濃，甜度適中。柚子sorbet入口即溶，酸酸甜甜好開胃🥰 最特別嘅係配料紅豆爆爆珠🫘，口感好得意😆
