南瀛水產

同兩個閨蜜喺尖沙咀行完街攰攰地，又唔係太肚餓，黎左呢間樓上日本餐廳，諗住食個輕食，傾下計。🔸海鮮沙律（$78）先來一個沙律，海鮮沙律入面有角切三文魚同呑拿魚，醬汁用咗柚子醋，酸酸地，幾開胃。🔸南瀛卷($288)南瀛卷個賣相幾精緻，而且幾特別，個卷物入面只有沙律菜，啲刺身全部放係出面。有海膽、甜蝦、吞拿魚蓉、大量三文魚子，我唔食海膽，朋友話都幾鮮味，我食左隻甜蝦，隻甜蝦好甜好好食，而且都幾大隻！呑拿魚蓉同三文魚子都好新鮮，好啱撈飯！🔸清酒煮蜆($108)蜆幾大隻，無沙👍🏼👍🏼 最討厭食到有沙嘅蜆！另外，平時食清酒煮蜆，好多時個湯底有陣苦澀味，我多數唔飲，但呢個湯底又無苦澀味，保留到清酒既香，飲落有淡淡既米酒甜，不錯！🔸蟹味噌甲羅燒 ($78@)黎到呢到點可以唔食磯燒，係呢度既主打，我地叫左個蟹味噌甲羅燒。即係用蟹蓋裝住蟹膏、蟹肉、蟹子、鵪鶉蛋，加少少香葱一齊燒。btw, 唔使擔心自己唔識燒，因為有專人幫你燒，唔怕燒燶或者燒到乾晒！個甲羅燒好邪惡，有好多蟹膏，成件事好濃郁好好食！🔸牡蠣殼燒($78@)隻蠔都幾大隻，幾新鮮，唔算好肥，不過食落鮮味。Overall黎講都唔錯，不過價錢稍貴～