響 - Hibiki 日本燒肉 (Closed)

呢間放題身邊有好多朋友食過，正價食嘅有，團購嘅有，信用卡優惠嘅有，feedback都係話唔錯嘅，今日兩條友來個早飯試試。知道佢地都幾多人食，所以早少少到，估唔到都已經好full下。我地坐喺類似房入面，一共四枱客，冷氣開得夠大，所以都唔會侷，而且抽風都ok呢度放題任食，包括有刺身、燒肉、串燒、熟食，店員會自動波上一碟肉同刺身先，所以我地完全唔急，慢慢睇定左咩其他野食。刺身、小食、沙律基本款有齊，包括三文魚、甜蝦、帶子、油甘魚、八爪魚。肉類真係好多選擇，包括澳洲和牛唔同部位例如西冷、牛肉眼、牛胸腹，仲有美國牛肋骨、牛柳粒、牛舌，其餘肉類有豚西冷、香草雞片、雞肉腸，仲有海鮮例如海老同鯖魚。除左燒肉，仲有菇菌、南瓜呢啲野菜。而家每兩位仲會送一隻龍蝦，好新鮮熱辣，龍蝦大隻，肉都算爽，免費來講收貨刺身拼盤樣樣都會有啲，三文魚、帶子、甜蝦、八爪魚同一款是日空運魚生，整體都好新鮮，唔會輸俾日式放題，單睇呢碟野我地印象已經幾好。比較驚喜原來有海膽添，雖然唔係任食，但份量都幾大方，仲跟埋紫菜，難得仲要幾滑溜鮮甜，好在咋呢個燒肉拼盤一影相，就個個都知道係呢間餐廳，因為每款都有塊牌仔標示，相機食先！當中我覺得