樂天大喜屋 (Closed)

唔知系唔系疫情過後要慳成本，啲刺身一啲味都冇，除左甜蝦好少少同埋希靈魚正常之外，其他刺身同埋壽司都系冇咩味，或都好淡，食完個口一啲魚味既感覺都冇，以為自己中左新冠冇左味覺。羊架比較柴，薄切燒牛舌個人認為算系好味，都算香，易咬，份份質素都咁上下，值得多叫來食。蚬來聞上去ok, 但食落就冇味唔鮮。鰻魚唔錯，正正常常，可以多嗌。燒蠔既話，中意食醬既可以多叫，中意食蠔既正正經經揾間燒烤好啲，此蠔非那蠔而且好細好細。啤酒比較正常但唔夠凍，酒仙會失望。整體好一般311蚊事但揾間外帶，超市，燒烤店買啲刺身燒烤返屋企食應該更過引。