先講嘢食：
- 沙律:正常發揮
- 牛排: 少得可憐
- 鹹蛋蟹鉗pizza: 好食因為有鹹蛋，但個蟹鉗就得啖笑
唔知係咪成間餐廳所有染髮既女職員都同一時間生理期定剛送家人一程。得一個男仔同黑長直髮既女職員態度好少少，會上菜既時間講聲上緊咩，問個pizza幾時上都會講聲唔好意思要我地等。
染髮嗰幾個，尤其是長頭髮，髮色超金，粗黑眼線嗰位。一入去就已經好似我搞到佢死老豆咁，手指指帶位，座低menu都唔比。星期日晚飯時間成間店數埋得4枱客，基本上差唔多一枱一個職員，請問你有幾冇時間比menu個客？最後比錢嘅時候順便問洗手間喺邊，佢用惡及唔耐煩，每講一句都抖大氣嗰種唔耐煩答。成餐飯你黑口黑面對住個客都算，我當你本身鍾意扮cool。但你用啲啲態度覆個客真係一秒令我全日既good day都變badday。轉過身你對住同事就笑笑口，搞到我懷疑人生，係咪我哋裝扮？氣味？得罪左你，引致我一入餐廳你就用咁差既服務對待我地。我唔係expect你比五星酒店既服務，但基本禮貌都應該要有呱。如果唔係你最後咁差既態度，其實我真係冇諗住比負評。
另外一個中髮染髮女職員都唔係幾好態度，不過佢冇岀口術，而且係隔離枱客受佢氣，我就不宜作岀任何評論。
無論嘢食定服務態度都係mamaday優勝。冇試過mamaday既請直接去食mamaday，試過mamaday想試埋goodday badday既話會失望。
