Video
Read full review
2019-11-13
1605 views
10 Nov 2019男朋友來接我去食晚餐，咁我就梗係好識做咁帶佢去食好嘢啦。其實之前都有經過聚福樓，店外有棵樹唔難認，樹嗰度掛咗d一串串小燈泡，另外店外仲有啲好似對稱瓷磚長木櫈做陳列其實用嚟打卡係一流嘅，佢比我既感覺好歐陸又帶點淘氣又有啲花樣年華嘅感覺，我幾欣賞佢個鋪頭不論店內定店外既設計同埋餐廳裏面嘅裝飾擺設都做得好一絲不苟，令人好目不暇給，裏面仲要播住一啲令人地好放鬆嘅音樂俾到人一種好慢活好放鬆嘅感覺。對我來講呢度係一個可以「小小小綠洲」🙂 入得黎食嘢除咗環境之外當然食乜嘢都好緊要啦，呢度嘅Menu如果你嚟到我好建議你花啲心思逐粒中文字去睇，佢哋堅.好用心去設計㗎，我同男朋友就咁喺度估Menu諗食咩都玩左成15-20分鐘，雖然無厘頭兼低能但呢啲就係叫情趣😂我哋order左3樣食物+2杯嘢飲1.聚福樓大晒健康沙律-火箭菜配少許士多啤梨藍莓再加紅醋同埋乳酪，食落去酸酸甜甜都幾開胃，唔錯👍👍2.小豬好慢好慢咁去打排球-美式BBQ醬燒豬仔骨配蕃薯條，嗯～ 個美式BBQ醬好似搽多咗too much食落口有啲鹹，豬仔骨略嫌有啲鞋口，不過好彩佢有蕃薯條同少許沙律菜做返個配搭中和返，咁都不過不失
男朋友來接我去食晚餐，咁我就梗係好識做咁帶佢去食好嘢啦。其實之前都有經過聚福樓，店外有棵樹唔難認，樹嗰度掛咗d一串串小燈泡，另外店外仲有啲好似對稱瓷磚長木櫈做陳列其實用嚟打卡係一流嘅，佢比我既感覺好歐陸又帶點淘氣又有啲花樣年華嘅感覺，我幾欣賞佢個鋪頭不論店內定店外既設計同埋餐廳裏面嘅裝飾擺設都做得好一絲不苟，令人好目不暇給，裏面仲要播住一啲令人地好放鬆嘅音樂俾到人一種好慢活好放鬆嘅感覺。對我來講呢度係一個可以「小小小綠洲」🙂
入得黎食嘢除咗環境之外當然食乜嘢都好緊要啦，呢度嘅Menu如果你嚟到我好建議你花啲心思逐粒中文字去睇，佢哋堅.好用心去設計㗎，我同男朋友就咁喺度估Menu諗食咩都玩左成15-20分鐘，雖然無厘頭兼低能但呢啲就係叫情趣😂
我哋order左3樣食物+2杯嘢飲
1.聚福樓大晒健康沙律
-火箭菜配少許士多啤梨藍莓再加紅醋同埋乳酪，食落去酸酸甜甜都幾開胃，唔錯👍👍
2.小豬好慢好慢咁去打排球
-美式BBQ醬燒豬仔骨配蕃薯條，嗯～ 個美式BBQ醬好似搽多咗too much食落口有啲鹹，豬仔骨略嫌有啲鞋口，不過好彩佢有蕃薯條同少許沙律菜做返個配搭中和返，咁都不過不失，都可以啦👍
3.龍蝦係意大利帶着微笑咁食飯
-因為呢個Risotto，我先知原來我同男朋友都對Risotto 係有要求嘅😂 利申，我唔係賣廣告但真係要讚下聚福樓先，因為我好少食到好食嘅Risotto ，佢地做到了，叻仔✅ 每一粒飯粒都軟硬適中，每一粒飯粒都Cover住龍蝦汁，食落口每一啖都好滿足，佢哋真係做到好似Menu話齋「帶着微笑咁食飯」👍👍👍
4.牛油果Smoothie & 蘋果混? Smoothie
-牛油果Smoothie...... um...... 我諗我都係覺得我之前係南丫島飲過嘅係最好飲，聚福樓呢杯牛油果望落去顏色係好Fresh架好翠綠，但係唔知點解飲落去我飲唔到有牛油果或者奶味，我淨係知道我飲緊一杯含乳狀嘅物體lol 🧐
- 蘋果混? Smoothie，對唔住我唔記得咗蘋果混左D乜嘢之後mix左杯Smoothie 🙇🏼♀️之但係一拎上手就已經聞到好香嘅蘋果味，飲落口係清甜嘅，只係略嫌有啲稀身，不過我覺得好飲過牛油果
順帶一提，呢間小店order嘢飲未必會有飲管提供，咁所以如果冇飲管嘅話其實都可以問下Staff叫佢地拎俾你嘅，同埋最好就預先訂枱，本人覺得一間無論環境定食物都有質素嘅小品西餐廳cafe，我覺得生意興隆就在所難免嘅，咁book定枱都冇壞呀😝😝利申我唔係賣廣告，純粹個人感受，唔啱聽當我冇講過🙇🏼♀️🙂
89 views
0 likes
0 comments
Post
