叁不館

Open Now

Now Closed

踏入三月，天氣都仲係要着長袖，晏晝一於去打返嗰邊爐！！湯底有12款可以選擇：小編選擇左咯咯花膠湯，份量絕無戲場，雞件加上透白既花膠，滾起先飲啖飲，既暖又滋潤。頂級安格斯牛頸脊牛頸脊嘅肉質較為深紅，紋理清晰，雪花平均，食落牛味頗重，帶點嚼口，以例牌份量來講都幾多～火鍋配料（任選兩款）由於套餐已經包左丸同餃，又有肉，所以小編選擇左新鮮爽滑豬膶，冰豆腐。豬潤爽爽嫩嫩，冰豆腐索哂湯汁，微爽帶甜。炸響鈴、炸魚皮新鮮炸起嘅的確特別好食，魚皮超級大塊，仲要毫不油膩，浸落湯底2秒仲係香脆可口。蔬菜而家菜價咁貴，但呢間餐廳居然仲俾咁大兜顧客，裏面嘅蔬菜種類有：蕃茄、山菜、蓮藕、萵筍，蔬菜滾落雞湯裏面，相當清甜！丸餃餃有三款：韭菜、招牌午餐肉、雙籽鮮蝦雲吞，全部人手製造，粒粒皮薄餡靚，脹卜卜。而丸類款式更多：牛肉、鯪魚、豬肉、鮮蝦丸、墨丸。深得小編喜愛嘅係蝦丸，啖啖蝦肉，爽口彈牙，而牛丸亦相當Juicy！如果大食嘅你，仲有一個粉麵等緊你！👍🏻餐廳裝修，設計都非常特別，無論係枱枱凳凳、點餐紙、餐牌，牆身都好有本土懷舊風格。午市而家仲免收加一同茶芥。