彩

Open Now

Now Closed

星期六放假，又懶得出街，見到元朗名物-彩，居然可以喺某外買平台order, 心郁郁就order嚟試吓。據聞老闆係日本師傅，啲麵都係自己整，沾麵嘅湯有三款選擇：豚骨、黑蒜油同埋蝦味噌。我就揀咗最受歡迎嘅蝦味噌。麵條就兩款選擇： 小麥麵或者黑胡椒麵。我就揀咗黑胡椒味。大概20分鐘就送到，開頭都驚啲湯會唔會凍哂，送到黎過湯仲係好熱，紫菜又唔會淋晒。一打開個湯，濃郁嘅蝦味撲鼻，急不及待就飲咗一啖，唔油膩仲好香濃。黑椒味嘅麵，反而覺得食唔到好明顯嘅黑椒味。叉燒都好淋，唔錯，隻流心蛋都好好味。份量都幾大，食完勁飽。下次要試吓堂食，睇吓有冇分別。