之前睇過社交平台介紹過尖沙咀有間主打韓式粥品嘅小店, 仲要係由真.韓國人(釜山)主理
一直都想試, 今日咁啱嚟到尖沙咀, 緊係要試試, 近年都愛上養生
門口大大個聖誕老人公仔, 好可愛, 又可以打卡
內裡裝修風格更用上少女粉紅, 食粥都唔係老人家的事
餐廳主要供應粥品和烏冬兩大款食品
食材以韓國特色食為主, 泡菜, 人蔘, 鮑魚等等
我地點了
人蔘雞粥 $138 韓式牛肉烏冬 $118 煎韓牛餃子 $82
粥底是韓藉廚師在自己釜山稻田種植嘅水稻米, 米粒特別軟綿卻留有咬口
韓國粥與港式粥品是有大分別的, 韓國粥味道會濃一點, 而且一定會加芝麻油, 令粥更有香氣
人蔘雞粥真的有原條人蔘, 有人蔘的香味但沒有澀味, 呢個天氣食感覺很滋補
另外韓國粥嘅水份比港式少, 有一點點似食緊潮式粥, 會見到米飯粒, 唔似港式咁煲到很綿密
原來咁嘅做法, 反而有利於腸胃消化, 保護腸胃, 唔會有額外嘅負擔
粥入面仲放咗好多雞肉絲, 薯仔粒, 紅蘿蔔粒, 洋蔥, 香菇等, 勁豐富,
所以食完成晚都好飽肚和暖和
而用嚟盛著粥的器皿都好保溫, 食到底D粥都仲有溫度, 唔會變得凍冰冰
烏冬湯底以木魚及魚骨熬成, 湯頭係清澈, 不過我地就覺得咸咗啲
而店員端上檯時嘅Presentation幾特別, 用筷子掛著烏冬,
炒韓式牛味道是正常, 加了爽口嘅椰菜和紅蘿蔔絲, 更有口感
另外也試試韓式煎餃, 本身想點濟州黑豚肉, 可惜賣哂, 所以都是點了牛肉餡
煎餃熱辣辣, 皮很脆, 餃身脹卜卜的
內餡是牛肉碎, 味道微甜, 和我們傳統食開的不相同
所以我混埋前菜的酸蘿蔔和新泡菜魷魚一齊食, 又夾到喎
