131
13
2
6-min walk from Exit B1, Tsim Sha Tsui / East Tsim Sha Tsui MTR Station
continue reading
Telephone
34823828
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
About
About Reward Scheme
Signature Dishes
Recommended Dishes
今晚到HANA Korean Restaurant，位於尖沙咀金巴利街1E號地舖。店內裝修粉紅色🩷的部分很有少女風， 餐廳是由韓國人廚主理👨🍳， 主打正宗釜山粥、釜山湯烏冬和餃子。 我點了釜山鮮鮑魚粥$118、 釜山魚糕烏冬$78、 煎韓牛餃子$72、 蒸泡菜餃子$68、 檸檬梳打$27。 📍釜山鮮鮑魚粥 ～ 粥底軟綿綿，保留粒粒飯的口感， 配料有鮮味的鮑魚片、 翠玉瓜和紅蘿蔔， 配上前菜醃辣章魚和醃蘿蔔，食落仲滋味。 📍釜山魚糕烏冬 ～ 賣相精美，一串色彩繽紛的雜錦魚糕非常吸睛， 烏冬質感Q彈， 配上熱辣辣又清甜的湯底， 必食推介。 📍煎韓牛餃子 ～ 煎至金黃色的餃子非常香口， 餡料非常飽滿， 咬落去有啖啖肉的口感。 📍蒸泡菜餃子 ～ 皮薄餡靚的泡菜餃子，帶點微辣， 惹味可口。 📍檸檬梳打 ～ 清新解喝，檸檬味重。 正宗而美味的韓國料理， 絕對值得一試。 🏷️溫馨提示～ 整個用餐體驗均屬個人分享意見， 只作參考😊。
continue reading
本人其實就好鐘意食韓國嘢，所以成日都會嚟韓國街食飯🫣之前經過時已經見到呢一間全間pink pink的韓國餐館，所以今次專登早啲嚟到唔使排隊就有得食因為餐廳位暑比較少，但是已經放滿枱凳，所以坐得不算舒服，而且走廊很窄的關係，只有一個職員小姐姐，所以點餐需時耐少少泡菜章魚粥 $108 推薦指數🗯️：🌟🌟🌟🌟釜式粥食落比一般普通粥冇咁稀，有少少似小朋友會食的稀食，或者西班牙海鮮飯的口感🤔️食的時候仲會咬到好清楚飯粒的口感；未撈勻食的時候感覺泡菜味比較濃，撈勻之後釜式粥獨有的蔬菜甜味就湧出來，不過食得多會覺得有點太過濃味，而且章魚都切得幾細粒，所以除咗咬到章魚會食到章魚味之外，主要都係食到蔬菜嘅甜味釜山魚糕烏冬 $78 推薦指數🗯️：🌟🌟🌟🌟一上枱就見到筷子捲着少許烏冬，超級適合打卡；湯底是柴魚高湯，味道唔會太濃，但好香，烏冬食落都算彈牙，而且好滑身，魚糕食落口感有少少太粉，不過整體嚟講都係好食（煎）韓牛餃子 $72 推薦指數🗯️：🌟🌟🌟🌟煎到外脆內軟，內餡會有牛肉、粉絲等。食的時候小心爆汁，整體味道偏重，旁邊的汁基本上都不用點已經好夠味以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
continue reading
前排新開嘅韓國餐廳，位於尖沙咀「韓國街」一帶專食粥品烏冬，另外仲有韓式餃子粥款式足足有11款😲▶️ 前菜每人一碟醃蘿蔔同醃辣魷魚伴泡菜🐙醃蘿蔔味道酸甜，口感爽脆魷魚透明似蒟蒻，泡菜都幾辣▶️ 釜山魚糕烏冬 ($78)賣相好打卡-able，一大串唔同顏色形狀嘅魚糕，烏冬用筷子捲起湯底亦有唔少配料，如青蔥、油揚豆腐、香葉、海帶，味道鹹中帶甜，幾似日本昆布湯，望落清澈但夠鹹🍜魚糕全部都好彈牙，口味一樣但質感唔同一塊塊嗰啲似魚腐，一粒粒嗰啲相對實身同較粉🍢湯入邊嘅魚糕就係最傳統嗰隻個人鍾意一粒粒魚蛋形狀嗰隻😋烏冬比較幼同扁身，夠煙韌彈牙，浸耐咗湯都唔淋▶️ 人蔘雞粥 ($108)粥好綿密而非水汪汪，食到一粒粒米，似risotto (同濟州當地食嘅粥差唔多)調味主要靠麻油，一上枱已經一陣香味迎鼻而來👃🏻主張唔用MSG，較健康天然估唔到真係有人蔘🤩第一次食，味道甘苦，同花旗參差唔多雞絲份量亦唔少，除此之外仲有薯仔粒、紅蘿蔔粒、洋蔥粒、冬菇、紅棗薯仔粒比較硬身，成為粥入面最有質感嘅材料🥔呢個組合少見但唔奇怪紅蘿蔔粒同冬菇就冇乜特別洋蔥粒帶輕微刺激味道，紅棗就帶來天然甜味面頭以青蔥同黑芝麻粒做點綴🤏🏻成個粥味道同口感唔寡，會改變你對一般粥嘅睇法▶️ 蒸泡菜餃子 ($68)蒸餃子形狀特別可愛，圓形㗎入面含有豬肉、粉絲、泡菜皮薄且煙韌🥟不過頂部比較硬，可能因為未係好熟豬肉調味足夠且多汁，泡菜唔會好辣旁邊有醬油可以點雖然餃子係即食非自製，但味道唔錯，值得試試▶️ 韓國傳統甜米露 ($25)飲落似加咗蜜糖嘅薏米水，入面真係有一粒粒米，都幾得意同解渴-不論烏冬定粥都好食🤤推介試魚糕粥品應該全部都唔錯，當然揀啲材料豐富啲嘅會好食啲賣相擺盤好有心思💯用上金銀器皿，感覺高貴啲內在用上粉紅色配白色💗吸引唔少少女到訪餐廳雖細，座位唔多，但坐得舒服服務態度好好，啲侍應好有禮貌，上菜算快性價比高，份量材料好足，同旁邊其他韓國餐廳相比，絕對值得！
continue reading
꧁𝗛𝗔𝗡𝗔 𝗞𝗼𝗿𝗲𝗮𝗻 𝗥𝗲𝘀𝘁𝗮𝘂𝗿𝗮𝗻𝘁꧂一般黎講我都唔太喜歡喺香港食韓國菜，因為大部分都好𝘰𝘷𝘦𝘳𝘱𝘳𝘪𝘤𝘦𝘥，感覺係俾錢食垃圾食物，而且十間有七間都唔太好食….而最近尖沙咀韓國街開左間專食釜山粥同烏冬嘅餐廳，價錢合理又健康啲，而且由韓國人主理，味道正宗，可以一試！餐廳裝修驟眼睇有啲似𝘤𝘢𝘧𝘦嘅風格，以粉紅色做主調，好少女~⇉ 釜山鮮鮑魚粥 $𝟷𝟷𝟾⇉ 泡菜章魚粥 $𝟷𝟶𝟾韓國粥應該係🦦唯一會食嘅粥，因為夠濃味又唔會太稀呢度嘅粥比較似稀飯，可以見到飯粒相對完整，所以都幾飽肚下食落有非常香濃嘅麻油味，除咗白米亦加入左翠玉瓜、蘿蔔同洋蔥，色彩繽紛又健康啲我就比較喜歡鮑魚粥，鮑魚切成薄片同粥一齊煮，唔會煮到好韌好難咬，又突顯到鮑魚鮮味至於八爪魚粥，泡菜味道比較dominant ，難免會蓋過鮮味⇉ 釜山魚糕烏冬 $𝟽𝟾呢個烏冬造型好特別，方便打卡haha釜山烏冬無日本讚岐烏冬咁有嚼勁，配上一大串炸過嘅魚糕，好香口惹味⇉ 蒸/煎韓牛餃子 $𝟽𝟸雖然餐廳主打韓國粥同釜山烏冬，但餃子一樣好食高度推介韓牛煎餃！牛味超香濃！肉質唔會霉𝘥𝘶𝘳 𝘥𝘶𝘳~ 鍾意食牛嘅一定要試！除左韓牛裏面仲包左韓國粉絲同蘿蔔粒，口感豐富又好食！ⓄⓋⒺⓇⒶⓁⓁ: 🦦7.9/10 👱🏻♀️7.6/10༄༄༄༄༄༄༄༄༄༄༄༄༄༄༄༄📍 HANA Korean Restaurant (尖沙咀)尖沙咀金巴利街1E號地舖...#cty_油尖旺#cty_korean....༄༄༄༄༄༄༄༄༄༄༄༄༄༄༄☞ 𝐅𝐨𝐥𝐥𝐨𝐰 @ctyfooddiary 𝐟𝐨𝐫 𝐦𝐨𝐫𝐞 𝐫𝐞𝐯𝐢𝐞𝐰𝐬 ༄༄༄༄༄༄༄༄༄༄༄༄༄༄༄
continue reading
睇韓劇會好想食韓國嘢韓國餐廳喺香港而家已經開到成行成市。食嚟食去嘅嘢都差唔多。好想搵啲特別嘅韓國嘢食。呢間餐廳標榜係釜山嘅韓國粥。佢粥嘅種類都有好幾款，睇得出入邊每一碗粥都有好多材料，切得都幾幼細，外觀已經唔錯，粥嘅味道非常好味。另外都試咗韓牛餃子，食得多日本餃（主要豬肉或者雞肉）依家鍾意韓牛餃子多過日本餃子，咪睇佢外表實的的，食落又幾好味。誠意推介俾已經食厭咗一般喺香港食到韓國食品嘅朋友。不妨試吓呢間，食完仲有成條街俾你shopping。
continue reading