Video
Read full review
2019-11-15
173 views
今日放工同朋友去食呢間係中環既老撾餐廳。之前lunchtime已經食過呢到既午餐，覺得味道唔錯，而且香港好少地方有得食老撾菜，覺得好特別，今日就黎食佢既晚餐。間餐廳係中環扶手電梯隔離既一座商業大廈4 樓，唔算難搵。入到餐廳就見到店主對餐廳既裝飾有化過唔少心思，充滿老撾色彩，令我同朋友都可以暫時離開返工既忙碌，好好享受今次既晚餐。呢間餐廳係一個老撾皇室既親信開既，可以保證佢既菜色非常地道同正宗。我地今次就叫左個盤菜餐。裡面既食物包羅萬象，貪佢可以食到唔同既老撾特色菜式。首先有前菜既透心蛋。店主係用雞蛋去醃制，味道酸甜，開胃醒神。之後就係蝦米青木瓜沙律，可能由於老撾鄰近泰國，味道貼近泰式沙律，可以食出係由新鮮蔬菜制做，有d酸辣。主菜有老撾凍魚。聽店主講呢條魚係北老撾既特色菜，用65度水溫慢煮1個鐘而成，係過程中仲加左香茅，食落去既肉質滑而結實，仲帶有少少香茅味，別具特色，值得推介。我同朋友都鐘意係食既時候點d由魚露、青檸、辣椒做成既特色醬汁，酸酸甜甜，更加帶出魚既鮮味。另外又有老撾烤雞，佢既特別之處係用魚露醃製過，所以食落有魚露既香味，係第二度食唔到既。之後有老撾豬肉碎包萋葉，做法同泰式相
間餐廳係中環扶手電梯隔離既一座商業大廈4 樓，唔算難搵。入到餐廳就見到店主對餐廳既裝飾有化過唔少心思，充滿老撾色彩，令我同朋友都可以暫時離開返工既忙碌，好好享受今次既晚餐。呢間餐廳係一個老撾皇室既親信開既，可以保證佢既菜色非常地道同正宗。
我地今次就叫左個盤菜餐。裡面既食物包羅萬象，貪佢可以食到唔同既老撾特色菜式。
首先有前菜既透心蛋。店主係用雞蛋去醃制，味道酸甜，開胃醒神。
之後就係蝦米青木瓜沙律，可能由於老撾鄰近泰國，味道貼近泰式沙律，可以食出係由新鮮蔬菜制做，有d酸辣。
主菜有老撾凍魚。聽店主講呢條魚係北老撾既特色菜，用65度水溫慢煮1個鐘而成，係過程中仲加左香茅，食落去既肉質滑而結實，仲帶有少少香茅味，別具特色，值得推介。我同朋友都鐘意係食既時候點d由魚露、青檸、辣椒做成既特色醬汁，酸酸甜甜，更加帶出魚既鮮味。
另外又有老撾烤雞，佢既特別之處係用魚露醃製過，所以食落有魚露既香味，係第二度食唔到既。
之後有老撾豬肉碎包萋葉，做法同泰式相似，味道不俗，但有少少辣，唔食得辣既朋友可以稍作留意。
最後主菜有煎蛋，店主係蛋入面加左d香葉一齊煎，令食蛋之餘有d香葉味，好有特色。
個盤菜仲包兩碗花色糯米飯(每碗加10元)，碗飯係以糯米、紫糯米同珍珠米整成，黏韌得黎又軟硬適中。
甜品有三色糕，同樣地係用糯米製成，唔會太甜，味道剛好。
我仲叫左杯南薑香茅梳打(24元），味道都幾特別。
我朋友就叫左杯青椰綠茶，店主好有心咁加左乾冰係上面，睇得又飲得。
總結，個餐份量都相當多，我同朋友都食得好飽，算係中環既特色之選。
Post
