Video
Read full review
2019-06-06
7167 views
好少係香港食高質燒肉放題 肉當然係主角 其實唔淨止燒牛燒豬 仲有其他野食叫 而先打頭陣既有刺身同海鮮同燒肉各一盤趁記憶猶新 將各樣食過既逐一分享下 由於本港女唔食魚生 刺身評論取自友人(刺身篇)海膽 - 估唔到主打燒肉店既刺身都有海膽 雖然我本身唔好 人生第二次食 先前果次感覺唔好 但呢份海膽令我對佢改觀 幾易入口 另外唔少刺身都可以追加 記得好似唔包海膽 我就覺得份量好足 海膽粉就要格外珍惜三文魚 - 無特別肥美 不過我都唔特別好肥魚 食得出無雪藏過度 無咩筋位 整體感覺唔錯甜蝦 - standard 通常甜蝦味道邊度都差唔多油甘魚 - 本身有bias唔鍾意油甘魚帶子 - 幾好食 口感爽滑 帶子粒飽滿 水準above average八爪魚 - 無食開既咁韌 收貨時令新鮮生蠔 - 難得有生蠔 有一定水準 不過我估由於唔係主打 好似無專用配醬 生蠔海膽都係相對高級啲既食材 唔同既係生蠔有得追加刺身款式唔算多 刺身盤已經一次上齊哂 燒肉主題店黎講算係咁 而且有海膽生蠔 生蠔仲可以追加 一於食返夠本](海鮮篇)海老 - 我個人全店最欣賞既食材 翻兜左幾轉 因為啲蝦隻隻都大大隻 肉質肥美嫩口
趁記憶猶新 將各樣食過既逐一分享下 由於本港女唔食魚生 刺身評論取自友人
(刺身篇)
海膽 - 估唔到主打燒肉店既刺身都有海膽 雖然我本身唔好 人生第二次食 先前果次感覺唔好 但呢份海膽令我對佢改觀 幾易入口 另外唔少刺身都可以追加 記得好似唔包海膽 我就覺得份量好足 海膽粉就要格外珍惜
三文魚 - 無特別肥美 不過我都唔特別好肥魚 食得出無雪藏過度 無咩筋位 整體感覺唔錯
甜蝦 - standard 通常甜蝦味道邊度都差唔多
油甘魚 - 本身有bias唔鍾意油甘魚
帶子 - 幾好食 口感爽滑 帶子粒飽滿 水準above average
八爪魚 - 無食開既咁韌 收貨
時令新鮮生蠔 - 難得有生蠔 有一定水準 不過我估由於唔係主打 好似無專用配醬 生蠔海膽都係相對高級啲既食材 唔同既係生蠔有得追加
[小結: 雖然刺身款式唔算多 刺身盤已經一次上齊哂 燒肉主題店黎講算係咁 而且有海膽生蠔 生蠔仲可以追加 一於食返夠本]
(海鮮篇)
海老 - 我個人全店最欣賞既食材 翻兜左幾轉 因為啲蝦隻隻都大大隻 肉質肥美嫩口 又鮮甜 唔燒過唔知自己原來有天份燒海老 xd
北海道蟹腳 - 同自助餐一樣 蟹脚任食 頭盤上左三四條俾兩個人 有肥有瘦 後加三四條得一隻肥脚 到喉唔到肺 建議想食既話放膽叫 只要唔怕剝殼麻煩 如果無聽錯人地係叫我地燒一陣就夠 親身試過燒得耐真係乾爭爭
帶子 - 連殼燒帶子 同帶子刺身一樣都有水準 就算我燒耐左乾埋水都好食 唯一係無得追加 只有頭盤人頭一隻
[小結: 兩個字 盡叫啦 特別係海老 大推]
(燒肉篇)
頭盤:
澳洲和半西冷/ 澳洲和牛胸腹/ 澳洲和牛肉眼 / 美國牛肋骨 / 米澤三元急豚西冷 / 七味豚拖羅(豬頸肉) / 骨付雞肉腸 / 手羽(雞翼)
其他追加:
一口牛粒 / 米澤三元豚腩片 / 牛舌片
主角燒肉出場 由於種類唔少 我又唔擅長仔細描述個別口味 所以寫個綜合評
頭盤已經包左七成燒肉類 有分產地同部位 產地命名既有常見既澳洲同美國 唔常見既有日本既米澤 唔查唔知 原來米澤牛都幾有名氣 雖然今次係米澤豚
牛牛相對最多款 個人鍾意牛胸腹 燒完係方形長身 感覺最juicy 同時肉質有咬口得黎又唔會太韌 牛肋骨咬落就厚身啲 比較有肉感 如果火喉控制好無燒過火都幾好食 至於和牛西冷同肉眼我就mix up左 無計錯肉眼係嫩口少少 後加既一口牛因為係食到後期先叫唔敢叫多 原來都幾細粒 食落幾空虛下 牛舌係我食燒肉例排必叫 一般分厚身薄身 呢度就係薄既 質素幾普通 無咩牛味 未達預期
講完牛到豬 豚西冷我係幾滿意 燒好左又係長條 油花同肉大概三七比例 食落有啲似變左方形既韓國五花腩 不過口感就實在少少 少啲膏 豚腩片就幾得意 燒好個樣似係薄牛舌既豚肉版本 脆口啲 無咁油 我覺得都ok 至於豬頸肉 係最易燒燶 佢本身size切得細 易熟 但食豬又唔敢唔燒耐啲 燒燒下又會攣起 我都整燶左兩三條先掌握到 整好放入口幾啖就無左 真係要啲心機燒多兩條
雞方面 試左雞肉腸同雞翼 雞翼無咩特別 相對要燒耐啲 雞肉腸味道唔錯 嫌腸類飽肚都無追加 另外仲有雞片 不過戰斗力不足無叫到
(梳菜 / 炸物 / 甜品)
菠蘿片 / 冬菇 / 有機金菇 / 芝士年糕 / 雞軟骨 / 紫芋圓 / Movenpick / Dryers
燒菠蘿 - ok
冬菇 - 可以再juicy d 可能火喉掌握問題 因為唔知燒幾耐 次次都等微焦我先夾起
金菇 - 俾我燒到乾哂 錫紙兜開左蓋見佢無咩動靜就蓋返黎燒 睇唔到應該幾時停
芝士年糕 - 芝士年糕我一向都算ok 係有時怕漏得劑 我覺得呢件唔錯 內裡既餡好cheesy 熱辣辣好好食 外皮就脆身 個人比較鍾易軟身啲既芝士年糕 同個流心餡咁夾就一流
雞軟骨 - 通常雞軟骨都唔會伏 呢款既特點係大粒啲 叫做骨之餘都有唔少肉
紫芋圓 - 聽個名以為係甜品果隻芋圓 實情係炸芋頭丸 雖然同想像不符 但係幾有驚喜 因為炸得真係幾好 個皮好薄身 唔會成pat粉 芋頭餡又處理得唔錯 一向對炸物麻麻既我都buy
雪糕 - 放題自然唔少得甜品 雖然呢度甜品選擇唔算多 有幾款cake我都無試 不過最緊要既雪糕竟然有movenpick! Movenpick任食大家唔好放過 可惜三四款口味中無我覺得最好食既朱古力 唯有轉戰士多啤梨 另外仲有款唔識既雪糕牌子 飽得劑無食 但就食左Dryers既綠茶雪條批 第一次食綠茶味又覺得幾好食 幾個brand既雪糕 有肚量既朋友可以試哂佢
Post
