隠家拉麵工場 (Closed)

小妹初寫食評，望多多包涵！由於小妹今次第一次食沾麵，所以唔太識分是否正宗！不過場內有場poster教你應該點食 有哂步驟 感覺好專業！平日晚飯時段去，諗住要等起碼30分鐘（睇其他食家食評分享而估計）點知7點幾去到只係等3-4張枱，十分鐘不用就可以入座。由於之前不少食家都話這裡座位不太好，因為用汽水座製成而坐得不太舒服，但我覺得又唔算坐到太辛苦，唔知係咪因為加左軟墊？（可能收到太多客人反映）上菜啦！基本上事先落定單，所以等3分鐘就有得食～我叫左赤伝沾麵，蕃茄十分鮮甜！配有荀做湯底，酸味好出，不算太鹹！個麵質十分彈牙，分量十足，我試過無沾湯就咁試一啖麵都覺得幾好食哈哈！ 流心蛋全隻上，由於我本身不太好食蛋黃。所以覺得麻麻地。男友叫果碗黑伝隻蛋更加係唔流心的>< 唔知係咪煮得太耐。 同埋男友覺得黑伝頭幾啖都覺得幾香幾好味，但食多幾啖已經覺得好鹹，要不停飲水～可能我地都係無咁重口味既人xd   而叉燒偏「林」，配埋沾麵彈牙口感是不錯的！Ps 見到對面位先生後加了fireball~ 原來係辣醬球，係見到好多辣椒果隻～不停聽到佢話 ：好辣呀好辣呀！我諗可能真係要好食到辣既朋友先可以