昭和食堂

Open Now

Now Closed

以前其實食過幾次，感覺都唔錯，今日無意間經過，見到裏面一個人都冇，都覺得可能只係週末效應。两个人叫咗三个雞嘅串燒，一個魷魚刺身，一個他他，一個甲羅燒同一碗飯，一個燒牛肋肉，一個烏冬，每一樣對比起其他居酒屋都係極度少。我係一個食得唔算多嘅女仔，食完居然都係半飽唔到。價錢睇落唔貴，但係份量真係誇張地少。以一個甲羅燒為例，只有薄薄嘅一層蓋住蟹蓋，我將佢哋刮埋一齊，只有一匙羹嘅份量。我真係好少寫食評，亦心知香港咁樣嘅小店，經營不易。但係寫呢篇食評，係真心希望香港嘅飲食業，可以搵返經營嘅初心，否則門可羅雀嘅餐廳只會越來越多。