意粉狂熱 (雅蘭中心)

Open Now

Now Closed

近來旺角入夜之後真係少咗好多餐廳開，行上雅蘭好似絕處逢生地見到呢間食意粉嘅餐廳就入去啦，因為真係好肚餓。二人餐個份量真係好多，首先飲咗個湯之後其實都飽左少少，但係我對於佢食物嘅質素真係幾欣賞～首先係沙律，通常餐嘅沙律都係細細份嘅，但係佢成大碟咁，值得一推。估唔到連個薯角都可以驚艷到我，外脆內軟，熱辣辣真係好好食。意粉方面揀咗個溫泉蛋姑姑手搓意粉，其實我唔係太鍾意食粗或者扁嘅意粉嘅，但係我食咗第一啖就覺得呢個意粉嘅煙靭度會令我會愛上佢。首先因為佢真係手搓嘅質感，第二係佢調味非常適中，因為冇汁嘅關係，唔會太膩。Pizza方面就係四重芝士加蜜糖的配搭，兩者竟然非常夾，濃濃嘅芝士味之中帶一點蜜糖的甜香，我都估唔到係咁飽嘅情況之下我可以食到半，根本就當甜品咁食。最後就食甜品tiramisu。