Video
Read full review
2022-12-05
394 views
💎總評分：9.0/10-小編好耐之前已經介紹過長沙灣店，抵食好味回頭率高😋，最近太子開咗新鋪，仲要勁近地鐵站，Menu大致上一樣，主打海南雞飯、肉骨茶、喇沙等星馬菜式🇸🇬，龍蝦叻沙摻摻都係極具人氣嘅打卡之選📸，不過小編之前食過今次就無叫啦。太子店全新裝修走中國風，卡位之間有足夠空間，唔覺侷促坐得舒服👌🏻。🚗 小編呢日無揸車因為知道附近難揾位泊車，夜晚時間又多抄牌，搭地鐵太子站E出口轉右即到都好方便。1️⃣ 鴛鴦海南雞飯 $93一次過食晒肉骨茶同海南雞，啱晒有選擇困難症嘅朋友🤩！鎮店之寶海南雞果然嫩滑，啖啖肉仲誠意地跟上雞腎🐔，小編一向唔食雞皮，但係見佢呈啫喱狀應該爽彈，配必備嘅三色醬(黑醬、薑蓉、酸辣醬)簡直一流🤤。雞飯似炒過，帶有淡淡香茅味，比一般油飯乾身香口🍚。本來以為配肉骨茶會好Heavy，但係呢個係輕盈版🎈，沒有好重嘅藥材味，取而代之係淡淡嘅白胡椒味，湯底薄身配海南雞又幾match喎👍🏻～2️⃣ 嫏惹咖喱牛筋腩乾撈麵 $68主打星加坡菜當然要試吓地道嘅娘惹咖喱🍛，比起一般嘅港式咖喱更為杰身，似醬嘅質地，帶少少椰奶香🥥，唔會太辣，用嚟撈麵係重口味一族嘅最愛😙～配料方面有薯仔、牛筋、牛腩，
-
小編好耐之前已經介紹過長沙灣店，抵食好味回頭率高😋，最近太子開咗新鋪，仲要勁近地鐵站，Menu大致上一樣，主打海南雞飯、肉骨茶、喇沙等星馬菜式🇸🇬，龍蝦叻沙摻摻都係極具人氣嘅打卡之選📸，不過小編之前食過今次就無叫啦。太子店全新裝修走中國風，卡位之間有足夠空間，唔覺侷促坐得舒服👌🏻。
🚗 小編呢日無揸車因為知道附近難揾位泊車，夜晚時間又多抄牌，搭地鐵太子站E出口轉右即到都好方便。
1️⃣ 鴛鴦海南雞飯 $93
一次過食晒肉骨茶同海南雞，啱晒有選擇困難症嘅朋友🤩！鎮店之寶海南雞果然嫩滑，啖啖肉仲誠意地跟上雞腎🐔，小編一向唔食雞皮，但係見佢呈啫喱狀應該爽彈，配必備嘅三色醬(黑醬、薑蓉、酸辣醬)簡直一流🤤。雞飯似炒過，帶有淡淡香茅味，比一般油飯乾身香口🍚。本來以為配肉骨茶會好Heavy，但係呢個係輕盈版🎈，沒有好重嘅藥材味，取而代之係淡淡嘅白胡椒味，湯底薄身配海南雞又幾match喎👍🏻～
2️⃣ 嫏惹咖喱牛筋腩乾撈麵 $68
主打星加坡菜當然要試吓地道嘅娘惹咖喱🍛，比起一般嘅港式咖喱更為杰身，似醬嘅質地，帶少少椰奶香🥥，唔會太辣，用嚟撈麵係重口味一族嘅最愛😙～配料方面有薯仔、牛筋、牛腩，份量好大方，獨食一碗夠晒飽🈵！
3️⃣ 麻辣玻璃魷魚通菜 $50
跟餐可以加$20配蝦醬通菜相對抵食💰，不過小編想食玻璃魷魚，單點左一份菜🥬。味道唔辣，份量適中，略嫌油膩偏鹹調味重手左D🙈。
4️⃣ 脆炸鳳尾蝦春卷/4件 $32；滷蛋/1隻 $5
春卷新鮮炸起趁熱食時外層好鬆脆，難得唔油膩幾乾身🫶🏻！滷蛋$5一隻真係好抵食🥚，仲要夠入味，加餸首選一定係佢❤️🔥！
5️⃣ 桔仔菠蘿梳打 (+$18)；香茅薄荷特飲 (+$12)
特飲原價都只係$28唔算貴，跟餐加配價錢更加抵🤑！鍾意甜嘅朋友可以試吓桔仔菠蘿梳打，入面真係有菠蘿滿滿夏日風情🍍！另一杯綠色嘅好奪目，淡淡香茅加薄荷refreshing得嚟full of東南亞風味🍹！
食過長沙灣店後一直留有好印象✨，新店環境靚D，食物質素keep到水準一樣咁抵食~.最欣賞menu有好多小食option，仲有迷你版排骨茶同叻沙🍜，啱晒細食嘅朋友樣樣都可以淺嘗一下 ！
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
Post
