Video
Read full review
2008-08-13
36 views
今晚一行 9人到尖沙咀滬江大飯店食上海菜, 正呀! My Favorite. 1) 冰鎮涼瓜2) 鎮江肴肉3) 醉豬手......睇下幾好味道!!! 正..正..正.... 4) 雪菜磨菇 ----- 係我的至愛, 食多兩粒先...... 5) 炒年糕 ----- 口感好好, 年糕唔會淡而無味,暫時係我覺得最好食的炒年糕 6) 鍋巴 ----- 就有些少失望, 因為鍋巴好硬, 食落去D米會黐牙, 浸軟左會好D 7) 炒小棠菜 -- 都OK, 因為無青味, 又夠冧.8) 響鈴火腿夾 ----- 簡直好味到震, 包包夾住炸過的腐竹,金華火腿用蜜餞整好, 食起黎咸咸脆脆,真係好好味, 不過要HK$30一件, 但係值回票價 9) 炸臭豆腐 ----- 超好味, 但係有d同事話好臭10) 蟹肉粟米湯 ----- 味道ok,蟹肉份量多. 11) 小籠飽 ----- 是我最愛之一, 皮薄饀靚. 可否食多一個.終於到甜品了12) 香蕉拔絲 ----- 即叫即做, 外面熱騰騰的糖面, 立即放入冰水, 味道尚可 13) 高力豆沙 ----- 真係好好味, 因為自從很久在廣州吃過一次高力豆沙除糖粉外,
今晚一行 9人到尖沙咀滬江大飯店食上海菜, 正呀! My Favorite.
1) 冰鎮涼瓜
2) 鎮江肴肉
3) 醉豬手
......睇下幾好味道!!! 正..正..正....
4) 雪菜磨菇 ----- 係我的至愛, 食多兩粒先......
5) 炒年糕 ----- 口感好好, 年糕唔會淡而無味,暫時係我覺得最好食的炒年糕
6) 鍋巴 ----- 就有些少失望, 因為鍋巴好硬, 食落去D米會黐牙, 浸軟左會好D
7) 炒小棠菜 -- 都OK, 因為無青味, 又夠冧.
8) 響鈴火腿夾 ----- 簡直好味到震, 包包夾住炸過的腐竹,金華火腿用蜜餞整好, 食起黎咸咸脆脆,真係好好味, 不過要HK$30一件, 但係值回票價
9) 炸臭豆腐 ----- 超好味, 但係有d同事話好臭
10) 蟹肉粟米湯 ----- 味道ok,蟹肉份量多.
11) 小籠飽 ----- 是我最愛之一, 皮薄饀靚. 可否食多一個.
終於到甜品了
12) 香蕉拔絲 ----- 即叫即做, 外面熱騰騰的糖面, 立即放入冰水, 味道尚可
13) 高力豆沙 ----- 真係好好味, 因為自從很久在廣州吃過一次高力豆沙除糖粉外, 還可以沾士多啤梨醬, 真係令人難忘.
總括來說, 此餐可謂水準之作, 唯獨是吃不到豆腐包有點失望, 因為我們20:00去到已賣完了. 下次一定要早些到, 必要吃到為止.
Post
