Video
Read full review
2022-05-29
109 views
「何蘭正」位於中環蘭桂坊，佢係一間非常有特色嘅Cafe，由樓下望上去就見到一幅超有霸氣嘅畫像，就知係一間打卡極高嘅餐廳，好耐之前佢仲喺地舖，依家搬左上2樓，氣氛一樣咁輕鬆，鋪面勁闊落，空間感十足，座位之間既私隱度比坊間cafe高,好多懷舊嘅元素亦都加入咗，就好似舊式茶記嘅制服同埋枱咁，今日就嚟試吓佢嘅中西合璧嘢食先💪🏻💪🏻前菜方面我哋嗌咗個🥔法式幼滑薯蓉，松葉蟹肉，雞油花雕，賣相睇落去好似蒸水蛋咁，但其實面頭有滿滿嘅蟹肉，而下面就係薯蓉，佢個味幾特別，平時食嘅薯蓉都會係差唔多味，但佢呢個食落又有啲酒嘅味，真係唔錯，雖然係有雞油喺裏面，但完全冇肥膩嘅感覺👍🏻👍🏻👍🏻主菜方面佢可以加餐湯，嘢飲或者甜品，其中一個餐就加咗個餐湯，餐湯睇落去好似魚蛋咁，但其實佢係豆卜嚟，咬落去第一啖已經吸收晒湯嘅精華，湯底方面飲得出係有櫻花蝦嘅味道，好濃郁😋😋主菜方面叫咗一個好出名嘅🐷24小時慢烤伊比利亞叉燒，豬油撈飯，日本溫泉蛋，韓國紫菜，成個飯好豐富，佢啲珍珠米係粒粒分離，豬油撈飯可能個個都會食過，但係燒汁豬油撈就唔係度度有，質感唔錯，重點係佢舊叉燒切到細細份，容易入口，肥瘦均勻，肉質爽嫩，絕對唔韌，可能係
前菜方面我哋嗌咗個🥔法式幼滑薯蓉，松葉蟹肉，雞油花雕，賣相睇落去好似蒸水蛋咁，但其實面頭有滿滿嘅蟹肉，而下面就係薯蓉，佢個味幾特別，平時食嘅薯蓉都會係差唔多味，但佢呢個食落又有啲酒嘅味，真係唔錯，雖然係有雞油喺裏面，但完全冇肥膩嘅感覺👍🏻👍🏻👍🏻
主菜方面佢可以加餐湯，嘢飲或者甜品，其中一個餐就加咗個餐湯，餐湯睇落去好似魚蛋咁，但其實佢係豆卜嚟，咬落去第一啖已經吸收晒湯嘅精華，湯底方面飲得出係有櫻花蝦嘅味道，好濃郁😋😋
主菜方面叫咗一個好出名嘅🐷24小時慢烤伊比利亞叉燒，豬油撈飯，日本溫泉蛋，韓國紫菜，成個飯好豐富，佢啲珍珠米係粒粒分離，豬油撈飯可能個個都會食過，但係燒汁豬油撈就唔係度度有，質感唔錯，重點係佢舊叉燒切到細細份，容易入口，肥瘦均勻，肉質爽嫩，絕對唔韌，可能係慢煮嘅關係，肉汁鎖住喺裏面，一啖飯一嚿叉燒加埋側邊嘅配菜，味道都特別唔同🤤🤤🤤
另外一個主菜就嗌咗份🍔漢堡包美極煎封龍躉魚柳，胡麻醬漬涼瓜，焦糖醬油茄汁，薯條，我想講佢呢個配搭真係出乎意料，入面厚厚嘅龍躉魚柳煎得香口，魚肉爽口超新鮮，魚嘅鮮味勁濃厚，佢嘅醬汁幾特別，又唔似燒烤醬，甜甜酸酸咁，好難形容，真真正正入面嘅餡料多到瀉，配菜都好新鮮，特別加入咗甜酸菜，令到成個漢堡好突出，薯條嘅醬汁有兩款，原來除咗茄汁仲可以有其他醬料配搭，一句講晒，正👍🏻👍🏻👍🏻
🧇佢啲甜品樣樣都想食，呢一份就係格子鬆餅，中式甘蔗年糕，是日風味，是日風味應該係個芝麻雪糕，因為佢個雪糕係冇得揀味嘅，鬆餅都好大份，當搵緊個年糕喺邊度嘅時候，店員話係釀左係裏面，的確有驚喜，外脆內軟嘅鬆餅係朱古力味再配上煙韌年糕，口感一流，仲要有焦糖香蕉嘅配搭，甜品黎計呢款都唔算好甜，不錯不錯😆😆
☕️飲品方面就叫咗兩杯Flat White，佢哋仲有果味同堅果味俾你揀，我哋各嗌咗一杯，果然兩杯飲落有好大分別，首先咖啡味超濃，果味嗰杯飲落去有鮮果香味，而堅果味嗰杯會比較苦少少，但佢堅果嘅味係好似慢慢滲出嚟咁😍😍
所以一定要嚟試下咁特別既菜式啦👍🏻👍🏻👍🏻
Post
