見幾乎每枱都有點招牌手打和牛漢堡扒丼飯，我都唔執輸叫黎試下，唔只岩打卡，仲好好味！漢堡扒升級用日本宮崎和牛，肉質香嫩多汁，秘製漢堡汁味道濃郁，加埋日式泡菜提鮮，味道層次豐富。最正係食到碗底仲有驚喜——有小食券送，下次黎可以用嚟換免費飲品或者小食。
另外叫左蘭王滑蛋吉列豬扒飯，豬扒炸得岩岩好好，外脆內軟，食落唔會油膩。仲有好多洋蔥，而且滑蛋蛋味濃，餸飯一流。
飲品就揀咗蜂蜜綠茶，清新解膩，夏天飲好解渴。
小食方面叫左日式牛肉薯餅同日式胡麻沙律，薯餅入口香脆。沙律好大份，醬汁帶芝麻香氣，好fresh。
叫到成枱野食，埋單只係$325，好抵食，而且服務周到，下次黎再用埋張coupon先。
2
