羲和雅苑

Open Now

Now Closed

半圍人來羲和雅苑食佢個套餐，$3988+10%，真係非常之抵食，份量好多而且食物質素佳。雖說是京菜一間，但係不論傳統菜式或是新派菜式同樣了得。食物就唔全部詳細講了。清酒海鹽鵝肝，淡淡清酒味，食既時候再輕輕點一下wasabi醬油，口感似鵝肝醬，非常好食。主菜方面推介既係椒麻牛肋骨，肉非常大舊，但係非常鬆軟，配上辣椒魚露，好香口下。金沙鮮魷，用上大條既鮮魷來做，魷魚本身肉質好厚所以以材料來講已經非常好食，再加上皮炸得脆加上淡淡既鹹蛋黃就更加邪惡。整體來講以食物係出色的，非常推薦。如果有機會book到房間就會更好，因為大堂冷氣唔多夠，會較熱而且房間有無敵大海景，食景都完勝。