係餐廳門口外就已經充滿住神秘感 完全唔俾你睇到入面🙈
入到餐廳入面 環境非常漆黑 但亦都因為咁樣
先可以將一隻隻活躍既水母表露無遺😍
除咗水母缸有燈光之外 每張枱上面都會細心附有小枱燈💡
有機會安排到入座最大最吸睛最搶手既大水母缸前用餐
一邊食 一邊可以望住佢地暢游 真係一件大樂事🤩
餐廳menu係用電子版📱唔洗驚黑媽媽睇唔到野
食物選擇上唔小 價錢會偏貴少少🤏🏼畢竟養殖都需要金錢
不過我覺得只要食物同環境對得住個價錢就夠👍🏼
➷
🪐 法式蟹肉龍蝦配馬斯卡邦尼芝士泡沫
係環境涼涼地既情況下飲呢個濃郁既龍蝦湯就岩晒😆
龍蝦湯質感唔會太過杰身 味道唔受質感影響😋
湯入面有蟹肉可以食到 味道鮮甜🦀頭盤暖暖胃都唔錯
佢烘到脆卜卜既多士仲可以沾吓湯食 增加口感👍🏼
-
🪐 薯條配自家製松露醬
呢個咁大路既小食 好適合一路睇住水母慢慢嘆😆
薯條幾大條 脆口感足夠🤤自家製醬汁既黑松露味好足夠
雖然唔係啲咩好特別既菜式 但都整得幾有誠意
-
🪐 大虎蝦龍蝦汁配天使麵
虎蝦大大隻 肉質幾結實彈牙👍🏼
龍蝦汁唔會十分多 岩岩好俾天使麵吸收到😋
味道唔會過份濃厚 食完都唔會有口渴個種感覺
-
🪐 慢煮加拿大豬鞍架
慢煮豬鞍肉質軟腍🤤因為慢煮 所以肉汁流失會比較少
味道帶一點輕輕既咸香🧂香煎過既豬鞍變得更可口
加上伴碟既醬汁有助令豬鞍變得更惹味 唔會失望👍🏼
-
🪐 巴斯克芝士蛋糕配日本香滑牛奶雪糕
整個擺盤都令人覺得幾精緻🤩
蛋糕既芝士味岩岩好 唔會令人有太腬既感覺🧀
焦香反而可以再重少少😌
牛奶雪糕的確有好香濃既牛奶味🍦口感仲好滑溜👍🏼
➷
餐廳除咗環境吸引之外 亦都係一個幾浪漫既地方
幾適合去慶祝週年紀念 生日等等👍🏼
當日見到好多小朋友都好開心 所以係大人細路都岩去😆
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟
