TOSS 蘇媽.蘇媽

Open Now

Now Closed

蘇媽蘇媽食馬來西亞菜就人人都知，但係沙田呢間又幾特別，感覺個裝修同其他分店好唔一樣，有少少行Cafe裝修路線，一於試試佢。餐牌選擇都幾多，我同朋友叫咗招牌一字骨肉骨茶、雜錦串燒、椰香咖央多士、桔仔話梅水、椰汁斑斕冰。湯底係藥材味嗰種肉骨茶，我幾鍾意。一字骨雖然厚肉，但肉唔會柴，肥肉比例對於鍾意瘦肉嘅我來講偏多，如果可以瘦多少少會更好。餐牌圖片同實物完全一樣，好睇又好食。麵面卜卜脆口，中間嘅牛油同咖央比例幾好，難怪台台都會叫呢份小食。馬拉沙嗲串燒可以一次過揀晒牛羊雞，啱晒我呢啲貪心嘅人，三種肉類都燒得啱啱好，搭配旁邊嘅沙嗲醬好好食！沙嗲醬花生味好突出，偏甜，正中我喜好。桔仔話梅水，偏甜，自己可以加熱水調控。