貳郎燒雞扒 (Closed)

一早去試左個早餐，沙爹牛肉同炒滑蛋多士，配凍咖啡，十分驚喜，牛肉嫩滑沙爹好香濃十分有水準，多士又厚厚的外脆內軟，配炒滑蛋一齊食十分正，有澳洲牛奶公司水準，咖啡更是驚喜，由於本人十分喜歡飲杯凍咖啡先去返工，但附近茶餐廳水準不提也擺，淡而無味，又酸又苦，甘啱聽到前面張枱個先生同餐廳啲伙計講好好飲，所以餐飲選擇凍咖啡{凍飮仲唔使加錢}，個伙計一給我時，個賣相已十分吸引，面頭仲有啲咖啡粉，十分靚仔，一飲更是出奇，因為一間甘細既主打燒雞扒餐廳竟然有杯又香又濃而且甜度又剛剛好既咖啡，十分難以估計，無論飲品食品都比價錢唔成正比，一個早餐$24又有炒蛋厚多士，又有好香濃既沙爹牛肉，仲要係一片片，口感十分好，凍咖啡甘正竟然仲唔使加錢，整定口後食早餐指定餐廳，下次試埋個招牌燒雞扒飯再同大家分享。