坤記煲仔小菜

想食煲仔飯又唔想過海去廟街，港島西環都有得食! 之前聽就聽過不少朋友推介坤記，不過就未食過...openrice有兩間一樣名，我諗應該係有兩間分店，因為係即興，無book檯。去到其中一間一間，個夥計話無book 檯，要等到九點半 (個時係七點三...)。於是，到另一間睇下，開頭夥計都話
要等到八點半先有位，我同男友走之際，甘arm有兩個位，等緊個d都係多人既，真幸運!

1

睇完個menu，我地叫左個白鱔田雞煲仔飯同埋芥蘭炒臘味...見好多檯都有叫羊腩煲或者豬骨煲，不過見份量都幾多，適合多人餐聚食! 

芥蘭炒臘味

$70

份量幾多，臘味 (潤腸，臘腸，臘肉) 有好多，芥蘭炒得剛剛好，唔會太硬!

白鱔田雞煲仔飯

$90

等左半個鐘，個煲仔飯終於黎到啦...好肚餓! 有4舊白鱔，好肥美又彈牙無泥味，田雞3舊都係俾，煲仔底有香香脆脆既飯焦，再加支可樂，無得頂!

食好野有時係要等...(見得一個夥計整煲仔飯，檯檯都等好耐)