Bistro on the Mile

Open Now

Now Closed

之前在金域假日出席過兩三次婚宴，對其中菜食物出品滿意；趁中秋節同家人一齊出去食飯慶祝，試試其自助餐是否一樣出色。閒日準時六點到達，人唔算多，基本上所有食物都唔使排隊。凍海鮮有生蠔、青口、翡翠螺、蝦、小龍蝦、麵包蟹等等，頭輪生蠔比較瘦削，中段再攞過一次較為肥美，味道鮮甜。魚生方面選擇亦不少，如三文魚、吞拿魚、鯛魚、帶子、八爪魚、甜蝦、素鮑片等等，最喜歡肉質結實的三文魚，魚油十足，翻兜了幾次；而沙律冷盤亦有不同款式，好味又有新鮮感。除蒸魚同炆冬菇外，大部分熱食以煎炸為主，即煎魚柳太鹹，牛仔骨無肉味，天婦羅、炸蠔有點油，整體沒有一項單品令我留下良好印象，相對失色。而甜品大約十數款，其貌不揚但試了數款都無伏，最欣賞的是香蕉焦糖慕絲，香甜自然；冰櫃內還有六款細杯裝Häagen-Dazs，口味大路不過應總有一款合心水。使用網上買三送一優惠，埋單人均四百元，如果鍾意食凍海鮮冷盤就值回票價，如果偏好熱食的話難免有點失望了。