龍城冰室

Open Now

Now Closed

我同朋友都好中意食茶餐廳同冰室，中意啲野食新鮮熱辣夠鑊氣。今日收工就黎觀塘嘅龍城冰室食飯，佢每日都有晚市套餐，送湯同野飲都好抵食，不過今日嘅套餐唔係好岩胃口，所以我地嗌餸食飯。黑松露蝦仁炒滑蛋睇得出佢完全冇吝嗇、放好多黑松露，每啖蛋都食到好香濃嘅黑松露。蝦仁嘅份量都好多而且口感彈牙，唯獨係個滑蛋可以再滑啲就更好。帶子炒西蘭花落左好多薑絲一齊炒，西蘭花吸左啲薑汁非常香。帶子都算新鮮，上菜時熱辣辣非常吸引。芝士煙肉焗青口其實有5隻，不過我地一上菜已經急不及待食左，淨返一隻迷你青口比相機食，芝士焗青口從來冇得輸，配埋煙肉粒口感更加豐富。