新泰東南亞餐廳 (太子集團中心) (Closed)

平日難得放假專登出咗尖沙咀搵朋友食飯！因為好想食泰菜，所以朋友就揀左新泰！去到侍應即刻俾咗個卡位我地坐窗口位，可以望住街景食飯😍一打開個menu勁多野想食我地就揀左生蝦，青木瓜沙律，鮮蝦紙米卷同冬陰公炒飯！冬陰公炒飯(高度推介)！唔洗一陣就上菜，熱辣辣 ，入面啲茹切到細細粒 ，加埋啲香料炒，勁”野” 味，又唔辣，真係好好好食！之後黎咗青木瓜沙律賣相已經好吸引！啲木瓜好入味！啲汁酸酸甜甜又辣，超級開胃！我覺得呢個木瓜沙律好正宗，辣得好過癮！我同朋友都食到標哂眼水都要繼續食😂生蝦每一隻真係都好新鮮同彈牙，唔似啲解凍冰蝦。個汁都好ok再加埋啲生蒜片，錦上添花！鮮蝦紙米卷好足料！蔬菜嘅爽同彈牙嘅蝦包埋一齊食，口感正！再點好多嘅醬汁，啲醬汁索晒入米粉度，又係食唔停口！食泰國餐點可以唔叫泰式奶茶同埋泰式咖啡！杯泰式奶茶唔太甜，有淡淡地嘅茶味👌🏻杯咖啡唔會勁甜，係微甜，咖啡味都幾香！總括嚟講，新泰啲嘢食真係比得上九龍城泰國餐廳！